തൃശൂര്‍: 3 ആരോഗ്യപ്രവര്‍ത്തകര്‍ക്ക് ഉള്‍പ്പെടെ ഏഴ് പേര്‍ക്ക് സമ്പര്‍ക്കത്തിലൂടെ രോഗം ബാധിച്ചതുള്‍പ്പെടെ 27 പേര്‍ക്ക് കൊറോണ സ്ഥിരീകരിച്ചു.
ചെന്നൈയില്‍ നിന്ന് വന്ന രോഗം സ്ഥിരീകരിച്ച വ്യക്തിയുടെ സമ്പര്‍ക്കപ്പട്ടികയിലുളള 2 മുരിയാട് സ്വദേശികള്‍ (59, സ്ത്രീ, 28, പുരുഷന്‍), നേരത്തെ രോഗം സ്ഥിരീകരിച്ച വ്യക്തിയുമായി സമ്പര്‍ക്കത്തില്‍ ഏര്‍പ്പെട്ട വേളൂക്കര സ്വദേശിയായ ആരോഗ്യ പ്രവര്‍ത്തക (28), അന്നമനട സ്വദേശിയായ ആരോഗ്യപ്രവര്‍ത്തക (34), സ്വകാര്യ ആശുപത്രിയിലെ ആരോഗ്യ പ്രവര്‍ത്തകയായ ഊരകം സ്വദേശിനി (60), നേരത്തെ രോഗം സ്ഥിരീകരിച്ച ബിഎസ്എഫ് ജവാന്റെ അമ്മയായ വലക്കാവ് സ്വദേശിനി (52), കുന്നംകുളം സ്വദേശി (50) എന്നിവര്‍ക്കാണ് സമ്പര്‍ക്കത്തിലൂടെ രോഗം ബാധിച്ചത്.
ജൂണ്‍ 25 ന് ഖത്തറില്‍ നിന്ന് വന്ന കൊടുങ്ങല്ലൂര്‍ സ്വദേശിനി (26), ജൂണ്‍ 25 ന് ഖത്തറില്‍ നിന്ന് വന്ന കൊടുങ്ങല്ലൂര്‍ സ്വദേശി (4 വയസുകാരന്‍), ജൂലൈ 01 ന് മുംബെയില്‍ നിന്ന് വന്ന 3 കാറളം സ്വദേശികള്‍ (50, പുരുഷന്‍, 42, സ്ത്രീ, 17 വയസുകാരന്‍), ഡല്‍ഹിയില്‍ നിന്ന് വന്ന ഇരിങ്ങാലക്കുട സ്വദേശി (31), വിദേശത്തു നിന്ന് വന്ന കുന്ദംകുളം സ്വദേശി (38), ജൂണ്‍ 27 ന് മുംബെയില്‍ നിന്ന് വന്ന ഇരിങ്ങാലക്കുട സ്വദേശി (37), ജൂലൈ 04 ന് ചെന്നൈയില്‍ നിന്ന് വന്ന ചാലക്കുടി സ്വദേശിനി (46), ജൂലൈ 03 ന് ഹൈദരാബാദില്‍ നിന്ന് വന്ന ഇരിങ്ങാലക്കുട സ്വദേശി (24) ജൂണ്‍ 24 ന് കുവൈറ്റില്‍ നിന്ന് വന്ന എടത്തിരുത്തി സ്വദേശി (54), ജൂണ്‍ 29 ന് ഖത്തറില്‍ നിന്ന് വന്ന ഇരിങ്ങാലക്കുട സ്വദേശി (32), ജൂണ്‍ 30 ന് കുവൈറ്റില്‍ നിന്ന് വന്ന ചാവക്കാട് സ്വദേശി (38), ജൂണ്‍ 24 ന് കുവൈറ്റില്‍ നിന്ന് വന്ന എടത്തിരുത്തി സ്വദേശി (34), ജൂണ്‍ 26 ന് ദുബായില്‍ നിന്ന് വന്ന പുത്തന്‍ചിറ സ്വദേശി(29), ജൂണ്‍ 30 ന് കുവൈറ്റില്‍ നിന്ന് വന്ന 37 കാരന്‍, വിദേശത്തു നിന്ന് വന്ന പെരിമ്പിലാവ് സ്വദേശി (46), ജൂണ്‍ 24 ന് കുവൈറ്റില്‍ നിന്ന് വന്ന എറിയാട് സ്വദേശി (36), ജൂലൈ 08 ന് മാംഗ്ളൂരില്‍ നിന്ന് വന്ന ചെറുതുരുത്തി സ്വദേശി (48), വിദേശത്തു നിന്ന വന്ന മാടവന സ്വദേശി (30), എന്നിവരാണ് രോഗം ബാധിച്ച മറ്റുള്ളവര്‍.
ഇതോടെ രോഗം സ്ഥിരീകരിച്ചവരുടെ എണ്ണം 557 ആയി.നിരീക്ഷണത്തില്‍ കഴിയുന്ന 16448 പേരില്‍ 16229 പേര്‍ വീടുകളിലും 219 പേര്‍ ആശുപത്രികളിലുമായാണ് കഴിയുന്നത്. ഇതുവരെ ആകെ 14038 സാമ്പിളുകളാണ് പരിശോധനയ്‌ക്ക് അയച്ചിട്ടുളളത്. ഇതില്‍ 12,748 സാമ്പിളുകളുടെ പരിശോധന ഫലം വന്നിട്ടുണ്ട്. ഇനി 1290 സാമ്പിളുകളുടെ പരിശോധന ഫലം ലഭിക്കാനുണ്ട്.
പ്രതികരിക്കാൻ ഇവിടെ എഴുതുക: