അട്ടപ്പാടി: അട്ടപ്പാടിയിലെ വനവാസി വിദ്യാര്‍ഥികള്‍ക്ക് ഓണ്‍ലൈന്‍ പഠനത്തിനായി സ്വാമി വിവേകാനന്ദ മെഡിക്കല്‍ മിഷനും ഇ ആന്‍ഡ് വൈ മള്‍ട്ടിനാഷണല്‍ കമ്പനിയുടെ ഐജിഡിഎസും ചേര്‍ന്ന് ലാപ്‌ടോപ്പുകള്‍ വിതരണം ചെയ്തു.
അഗളി ബിആര്‍സിയില്‍ നടന്ന ചടങ്ങില്‍ സ്വാമി വിവേകാനന്ദ മെഡിക്കല്‍ മിഷന്‍ ചീഫ് മെഡിക്കല്‍ ഓഫിസര്‍ ഡോ.വി. നാരായണനില്‍
നിന്ന് ബിപിഒ സി.പി. വിജയന്‍, ട്രൈബല്‍ ഓഫീസര്‍ വാണിദാസ്, ഗ്രാമ പഞ്ചായത്ത് മെമ്പര്‍ പരമേശ്വരന്‍, മുള്ളി ഗവ: എല്‍പി സ്‌കൂള്‍ പ്രധാനാധ്യാപിക കാളിയമ്മ എന്നിവര്‍ ചേര്‍ന്ന് ലാപ്‌ടോപ്പുകള്‍ ഏറ്റുവാങ്ങി. എന്‍സിടിഇ അംഗം ജോബി ബാലകൃഷ്ണന്‍, ഭക്തഗിരീഷ് എന്നിവര്‍ സംസാരിച്ചു.
ഐജിഡിഎസ് ഡയറക്ടര്‍ റിച്ചാര്‍ഡ് ആന്റ്ണി, ബിനോയ് രാജ്, വി.എസ്. വിനോദ്, മരിയ ഉമ്മന്‍ തുടങ്ങിയവര്‍ വീഡിയോ കോണ്‍ഫറന്‍സിലൂടെ പങ്കെടുത്തു.
പ്രതികരിക്കാൻ ഇവിടെ എഴുതുക: