തിരുനെല്ലി: തിരുനെല്ലിയില് കാട്ടാന അക്രമണം തുടരുന്നു.തലനാരിഴകക്കാണ് ചേകാടി സ്വദേശി ജിജി രക്ഷപ്പെട്ടത.് ചേകാടിയില് ആന കാവലിന് നാല് പേര് ഉള്ളടത്താണ് സംഭവം.കഴിഞ്ഞ ദിവസം രാത്രി 9 മണിയോടെ വര്ക്ക്ഷോപ്പിലെ ജോലി കഴിഞ്ഞ് വീട്ടില് എത്തവേയാണ് സ്കൂട്ടി ആന തട്ടിയത. ആനയുടെ ആക്രമണത്തില് നിന്ന് അത്ഭുതകരമായാണ് ചേകാടി ഉച്ചംബള്ളി വീട്ടില് ജിജി രക്ഷപ്പെട്ടത്.
തൊട്ടടുത്ത് വനം വകുപ്പിന്റെ നാല് വാച്ചര്മാര് കാവല് ഉണ്ടായിരുന്നെങ്കിലും ആനയിറങ്ങുന്ന കടവില് ആരും ഉണ്ടായിരുന്നില്ലന്നാണ് നാട്ടുകാര് പറയുന്നത.് വൈകുന്നേരം 5 മണിയായാല് മദ്യപിച്ച് നാല് കാലിലാണ് കാവല്ക്കാരെന്നാണ് പ്രദേശവാസികള് പറയുന്നത്. മദ്യപിച്ച് കൂത്താടുന്ന കാവല്ക്കാരെ മാറ്റാന് പല പ്രാവിശ്ര്യം ആവശ്യപ്പെട്ടിട്ടുണ്ടും വനംവകുപ്പ് ഒരു നടപടിയും സ്വീകരിക്കുന്നില്ലന്നും പ്രദേശവാസികള് പറയുന്നു.
കാട്ടാന ആക്രമണത്തില് ബൈക്ക് ഭാഗീകമായി തകര്ന്ന നിലയിലാണ്. രാവിലെ സംഭവസ്ഥലത്തെത്തിയ ഡെപ്യൂട്ടി റെയിഞ്ചറടക്കവുള്ളവരെ നാട്ടുകാര് തടഞ്ഞു വെച്ചു. തുടര്ന്ന് ബൈക്ക് വനം വകുപ്പ് റിപ്പയര് ചെയ്ത് നല്കാനും സ്ഥലത്ത് കുടുതല് കാവല്ക്കാരെ ഏര്പെടുത്താനും തീരുമാനിച്ചതിന്റെ അടിസ്ഥാനത്തിലാണ് നാട്ടുകാരുമായ് നടത്തിയ ചര്ച്ച അവസാനിച്ചത്.
