മലപ്പുറം : സംസ്ഥാനത്ത് വീണ്ടും കൊറോണ മരണം. മലപ്പുറത്ത് കഴിഞ്ഞ ദിവസം നിരീക്ഷണത്തിലിരിക്കെ മരിച്ചയാള്ക്കാണ് കൊറോണ സ്ഥിരീകരിച്ചത്. മഞ്ചേരി മെഡിക്കല് കോളേജില് ചികിത്സയിലിരിക്കെയാണ് മരിച്ചത്. വണ്ടൂര് ചോക്കാട് സ്വദേശി മുഹമ്മദ് (82) ആണ് മരിച്ചത്.
ഈ മാസം 29ന് റിയാദില് നിന്നെത്തിയ ശേഷം ഇയാള് ക്വാറന്റെയ്നിലായിരുന്നു. ക്വാന്റെയ്നില് തുടരുന്നതിനിടെ പനിയെ തുടര്ന്ന് ഒന്നാം തീയതിയാണ് ഇയാളെ ആശുപത്രിയില് പ്രവേശിപ്പിച്ചത്. സ്രവ സാമ്പിള് നേരത്തെ പരിശോധനക്കയച്ചിരുന്നു. ഇതിന്റെ ഫലമാണ് ഇപ്പോള് പുറത്തുവന്നിരിക്കുന്നത്. സംസ്കാരം കൊറോണ പ്രോട്ടോക്കോള് പ്രകാരം നടക്കും. ഇതോടെ സംസ്ഥാനത്ത് കൊറോണ മരണസംഖ്യ 26 ആയി.
