ദല്‍ഹിയുടെ ചുവട് പിടിച്ച് തമിഴ്‌നാടും; ദിനംപ്രതി വൈറസ് ബാധിതരുടെ എണ്ണം വര്‍ധിക്കുന്നു; രോഗികളുടെ സംഖ്യ ചൈനയിലേതിനേക്കാള്‍ കൂടുതല്‍

ചെന്നൈ: ദിനംപ്രതി വൈറസ് ബാധിതരാകുന്നവരുടെ എണ്ണത്തില്‍ വര്‍ധനവുണ്ടായതോടെ തമിഴ്‌നാട്ടില്‍ ചൈനയിലേതിനേക്കാള്‍ കൂടുതല്‍ രോഗികള്‍. കേന്ദ്ര ആരോഗ്യമന്ത്രാലയത്തിന്റെ കണക്കുകള്‍ പ്രകാരം 86,224 പേര്‍ക്കാണ് തമിഴ്‌നാട്ടില്‍ വൈറസ് ബാധ സ്ഥിരീകരിച്ചത്. ചൈനയിലിത് 83,531 ആണ്. ദല്‍ഹിയിലും ചൈനയിലേതിനേക്കാള്‍ കൂടുതല്‍ രോഗികളാണുള്ളത്.

കഴിഞ്ഞ 24 മണിക്കൂറിനിടെ 3,940 പേര്‍ക്കാണ് വൈറസ് ബാധ സ്ഥിരീകരിച്ചത്. 37,331 പേരാണ് നിലവില്‍ ചികിത്സയിലുള്ളത്. കഴിഞ്ഞ ദിവസം മാത്രം 2,212 പേര്‍ രോഗമുക്തരായതോടെ ആകെ രോഗമുക്തര്‍ 47,749 ആയി. 30,005 സാമ്പിളുകളാണ് കഴിഞ്ഞ ദിവസം മാത്രം പരിശോധിച്ചത്. ഇതുവരെ 10.5 ലക്ഷം സാമ്പിളുകള്‍