ചീരാൽ :പാട്ട വയലിൽ കാട്ടാനയുടെ ആക്രമണത്തിൽ ലോറി ഡ്രൈവർക്ക് പരിക്ക്.പാട്ടവയലിൽ മേട്ടുപ്പാളയം സ്വദേശി നാഗരാജനെ (39) യാണ് കാട്ടാന ആക്രമിച്ചത് .അന്തർ സംസ്ഥാന പാതയിൽ സംസ്ഥാന അതിർത്തിയോടു ചേർന്നാണ് കാട്ടാന ആക്രമണമുണ്ടായത്.ചൊവ്വാഴ്ച്ച രാവിലെ ആറു മണിയോടെയാണ് സംഭവം.
തമിഴ്നാട് ചെക്പേസ്റ്റ് കടന്ന് കേരള അതിർത്തി കടക്കും മുമ്പ് പ്രാഥമിക കർമ്മങ്ങൾ നിർവ്വഹിക്കാൻ വാഹനത്തിനു പുറത്തിറങ്ങിയപ്പോഴാണ് ആക്രമണമുണ്ടായത്. പ്രദേശത്ത് മറഞ്ഞു നിന്ന ആന ഇയാൾവാഹനത്തിനു പുറത്തിറങ്ങിയതോടെ ആക്രമിക്കുകയായിരുന്നു. ഭാഗ്യവശാൽ തിരികെ വാഹനത്തിൽ കയറാൻ കഴിഞ്ഞതിനാൽ വലിയ അപകടം ഒഴിവായി. ഇയാൾ ഇപ്പോൾ ഊട്ടി താലൂക്ക് ആശുപത്രിയിൽ ചികിൽസയിലാണ്.
മേട്ടുപാളയത്തു നിന്ന് മാനന്തവാടിയിലേക്ക് വാഴ കന്നു മായ് വരികയായിരുന്നു. കേരള തമിഴ്നാട് വനാതിർത്തി പ്രദേശങ്ങളിൽ കാട്ടാന ശല്യം രൂക്ഷമാണ്. മാസങ്ങൾക്ക് മുമ്പ് ഈ പാതയിൽ കർണ്ണാടക സ്വദേശിയായ അതിഥി തൊഴിലാളിയെ കാട്ടാന ആക്രമിച്ച് കൊലപ്പെടുത്തിയിരുന്നു.പ്രദേശത്ത് പകൽനേരം പോലും പുറത്തിറങ്ങാനാവാതെ ദുരിതത്തിലാണ് പ്രദേശവാസികൾ.
