മാഡ്രിഡ്: ലാ ലിഗ ടീമായ വലന്‍സിയ മുഖ്യപരിശീലകന്‍ ആല്‍ബര്‍ട്ട് സെലേഡ്‌സിനെ മാറ്റി. വോറോ ഗോണ്‍സാലസിനെ പുതിയ പരിശീലകനായി നിയമിച്ചതായി ക്ലബ്ബ് അറിയിച്ചു.
ആല്‍ബര്‍ട്ട് സെലേഡ്‌സിനെ പുറത്താക്കിയതിന് പിന്നാലെ വലന്‍സിയയുടെ സ്്‌പോര്‍ട്ടിങ് ഡയറക്ടര്‍ സീസര്‍ സാഞ്ചസ് രാജിവച്ചു. സീസറിന്റെ രാജി വലന്‍സിസയെ പ്രതിസന്ധിയിലാക്കിയിരിക്കുകയാണ്.
പുതിയ പരിശീലകനായ ഗോണ്‍സാലസ് ഇന്നലെ തന്നെ ചുമതലയേറ്റു. ഈ സീസണിന്റെ അവസാനം വരെ പരിശീലകനായി തുടരും. ഗോണ്‍സാലസ് നേരത്തെയും വലന്‍സിയയുടെ പരിശീലകനായിട്ടുണ്ട്. 2016-17 സീസണില്‍ ഗോണ്‍സാലസിന്റെ ശിക്ഷണത്തില്‍ വലന്‍സിയ 28 മത്സരങ്ങള്‍ കളിച്ചു. പന്ത്രണ്ട് വിജയവും നാല് സമനിലയും നേടി.
പ്രതികരിക്കാൻ ഇവിടെ എഴുതുക: