ഓടനാവട്ടം: മുട്ടറ ഗവ. സ്‌കൂളില്‍ നിന്ന് പ്ലസ് ടൂ വിന്റെ 61 ഓളം ഉത്തരക്കടലാസുകള്‍ കാണാതായതില്‍ ബന്ധപ്പെട്ട അദ്ധ്യാപകര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട് ബിജെപി ഓടനാവട്ടം മേഖലയുടെ ആഭിമുഖ്യത്തില്‍ സ്‌കൂള്‍ പടിക്കലില്‍ ധര്‍ണ സംഘടിപ്പിച്ചു.
നഷ്ടപ്പെട്ട ഉത്തരക്കലാസുകള്‍ ഉടനടി കണ്ടെത്തണമെന്നാവശ്യപ്പെട്ട് പ്രസിഡന്റ് രഞ്ജിത് വിശ്വനാഥന്റെ അധ്യക്ഷതയില്‍ സംഘടിപ്പിച്ച ധര്‍ണ മണ്ഡലം പ്രസിഡന്റ് അഡ്വ. വയയ്‌ക്കല്‍ സോമന്‍ ഉദ്ഘാടനം ചെയ്തു. ജനറല്‍ സെക്രട്ടറിമാരായ കെ.ആര്‍. രാധാകൃഷ്ണന്‍, ഷാലു കുളക്കട, സാബുകൃഷ്ണ, വൈസ് പ്രസിഡന്റ് അനില്‍ മാലയില്‍, മുട്ടറ ദീലീപ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: