കടുത്തുരുത്തി: പഞ്ചായത്ത് പതിനൊന്നാം വാര്‍ഡ് അംഗത്തെ എപ്പോള്‍ ഫോണില്‍ വിളിച്ചാലും പരിധിക്ക് പുറത്തെന്ന് മറുപടി. സിപിഎം പിന്തുണയോടെ വിജയിച്ച വാലാച്ചിറയിലെ പഞ്ചായത്തംഗം തങ്കമ്മ ജോസഫിനെതിരെയാണ് നാട്ടുകാരുടെ പരാതി.
വിവിധ ആവശ്യങ്ങള്‍ക്കായി വാര്‍ഡിലുള്ളവര്‍ ഫോണ്‍ വിളിച്ചാല്‍ കിട്ടാറില്ല. ആറുമാസമായി ഇതാണ് സ്ഥിതി. ഇവര്‍ വിദേശത്താണെന്നും പറയുന്നു. ഇതുമൂലം വാര്‍ഡിലെ സാധാരണക്കാരായ ജനങ്ങളുടെ പ്രശ്‌നങ്ങള്‍ക്ക്് പരിഹാരമില്ലാതെ തുടരുകയാണ്. സിപിഎം ഭരിക്കുന്ന പഞ്ചായത്തിന്റെ കമ്മിറ്റിയില്‍ ഭാര്യക്ക് പകരം ഭര്‍ത്താവാണ് പങ്കെടുക്കുന്നതെന്നും ആക്ഷേപമുണ്ട്. മാസങ്ങളായി ഈ നില തുടരുന്നതിനാല്‍ പഞ്ചായത്തംഗത്തെ അയോഗ്യയാക്കി തെരെഞ്ഞെടുപ്പ് നടത്തണമെന്ന് നാട്ടുുകാര്‍ ആവശ്യപ്പെടുന്നു.
പ്രതികരിക്കാൻ ഇവിടെ എഴുതുക: