ആലുവ: കുട്ടികളുടെ അശ്ലീല ചിത്രങ്ങളും വീഡീയോകളും വിവിധ പോണ്‍ സൈറ്റുകളില്‍ നിന്ന് ഡൗണ്‍ലോഡ് ചെയ്ത് കാണുകയും സാമൂഹ്യ മാധ്യമങ്ങളിലൂടെ പ്രചരിപ്പിക്കുകയും ചെയ്യുന്നവരെ കണ്ടെത്തി നിയമനടപടി സ്വീകരക്കുന്നതിന്റെ ഭാഗമായി എറണാകുളം റൂറല്‍ ജില്ലയില്‍ ഓപ്പറേഷന്‍ പി ഹണ്ട് എന്ന പേരില്‍ റെയ്ഡ് നടത്തി.
ജില്ലയിലെ ആലുവ, പെരുമ്പാവൂര്‍, മുവാറ്റുപുഴ എന്നീ മൂന്ന് സബ് ഡിവിഷനുകളിലായി റെയ്ഡില്‍ ഏഴ് കേസുകള്‍ രജിസ്റ്റര്‍ ചെയ്ത് മൂന്ന് പേരെ അറസ്റ്റ് ചെയ്തു. പെരുമ്പാവൂര്‍, മുടിക്കല്‍ മണ്ണുചിറയില്‍ വീട്ടില്‍ ദീപക് ദിനേശ്, രായമംഗലം വയലപ്പിള്ളി ഇല്ലത്ത് അജയ് കൃഷ്ണന്‍, മൂവാറ്റുപുഴ, എരമല്ലൂര്‍, വെള്ളച്ചാലില്‍ മുഹമ്മദ്ഷമില്‍ എന്നിവരെയാണ് അറസ്റ്റ് ചെയ്തത്.
കുന്നുകര, ഇളവത്തൂങ്കല്‍ ജോഹന്‍ തോമസ്, കരുമാല്ലൂര്‍ കോട്ടപ്പുറം വാഴേലില്‍ വീട്ടില്‍ ഉനൈസ്, വരാപ്പുഴ, അഞ്ജനപ്പിള്ളി വീട്ടില്‍ കണ്ണന്‍, മൂവാറ്റുപുഴ, മാറാടി ചിറക്കാട്ട് വീട്ടില്‍ നിധിന്‍ എന്നിവര്‍ക്കെതിരെയാണ് കേസ് രജിസ്റ്റര്‍ ചെയ്തിരിക്കുന്നത്. കൂടുതല്‍ പേര്‍ നിരീക്ഷണത്തിലുണ്ട്. വരും ദിവസങ്ങളില്‍ ഇവര്‍ക്കെതിരെ നടപടിയുണ്ടാകുമെന്ന് ജില്ലാ പോലീസ് മേധാവി കെ.കാര്‍ത്തിക് അറിയിച്ചു.
പ്രതികരിക്കാൻ ഇവിടെ എഴുതുക: