കഞ്ചിക്കോട്: പെപ്സി- വരുണ് ബ്രൂവറീസ് കമ്പനി തുറക്കുന്നതുമായി ബന്ധപ്പെട്ടുള്ള ഒത്തുതീര്പ്പ് ചര്ച്ച പരാജയപ്പെട്ടു. 10 ദിവസത്തിന് ശേഷം വീണ്ടും ചര്ച്ച നടത്തും. കൊറോണ നിയന്ത്രണമുള്ളതിനാല് എത്താനാവില്ലെന്ന് മാനേജ്മെന്റ് പ്രതിനിധികള് അവസാന നിമിഷം അറിയിക്കുകയായിരുന്നു.
ഒരുവര്ഷം പിന്നിട്ടിട്ടും സേവന-വേതന കരാര് നടപ്പാക്കാതെ വന്നതോടെയാണ് തൊഴിലാളികള് സമരവുമായി രംഗത്തെത്തിയത്. ഇതേ തുടര്ന്ന് കമ്പനി ലോക്ഔട്ട് ചെയ്യുകയായിരുന്നു.
കേന്ദ്രസര്ക്കാരിന്റെ നിര്ദ്ദേശ പ്രകാരം സമരം പിന്വലിച്ചുകൊണ്ട് സംയുക്ത ട്രേഡ് യൂണിയന് നേതാക്കള് ഏപ്രില് പകുതിയോടെ കമ്പനി അധികൃതരെ അറിയിച്ചിരുന്നെങ്കിലും നടപടിയുണ്ടായില്ല. ഇതേതുടര്ന്ന് സര്ക്കാര് ഇടപെട്ട് വീണ്ടും ചര്ച്ചക്ക് വഴിയൊരുക്കുകയായിരുന്നു. എന്നാല് മാനേജ്മെന്റ് പ്രതിനിധികള് അവസാന നിമിഷം പിന്മാറുകയായിരുന്നു.
