നടുവണ്ണൂര്: മഴപെയ്താല് ഉറക്കമില്ലാത്ത രാത്രിയാണ് നടുവണ്ണൂര് പഞ്ചായത്തിലെ പ്രഭയ്ക്കും കുടുംബത്തിനും. പഞ്ചായത്തിലെ ഒന്പതാം വാര്ഡില് മന്ദന്ങ്കാവ് റോഡില് മൈലാഞ്ചിമുക്കിലാണ് വെള്ളറങ്കണ്ടി പ്രഭയും നാലാംഗ കുടുംബവും താമസിക്കുന്നത്. ഇവര് താമസിക്കുന്ന ഷെഡ്ഡ് മഴ പെയ്താല് ചോര്ന്നൊലിക്കും.
പ്രഭയുടെ മക്കള് അനര്ഗയും അലനും പ്രഭയുടെ അമ്മ ലീലയും ഈ ഷെഡ്ഡിന്റെ നാലു ചുമരുകള്ക്കുള്ളില് ജീവിതം തളളി നീക്കുകയാണ്. ഇവര്ക്ക് ഒന്ന് നിവര്ന്ന് കിടക്കാന് പോലും ഇതിനുള്ളില് സ്ഥലമില്ല. വീടിനായും മറ്റ് സൗകര്യങ്ങള്ക്കായും ഇവര് മുട്ടാത്ത വാതിലുകളില്ല. ശൗചാലയം നിര്മ്മിച്ചതും അടുത്ത വീട്ടിലെ കിണറില് നിന്ന് വെള്ളമെടുക്കാന് വാട്ടര് ടാങ്കും പൈപ്പുമൊക്കെ ഏര്പ്പാടാക്കിയതും നാട്ടുകാരാണ്.
ഈ കുടുംബത്തിന്റെ വീടെന്ന സ്വപ്നം യാഥാര്ത്ഥ്യമാക്കാന് അധികാരികള് കനിയണമെന്ന ആവശ്യമാണ് നാട്ടുകാ ര്ക്ക്. പ്രഭയ്ക്കും കുടുംബത്തിനെയും സഹായിക്കാന് ഉദാരമതികള് കനിഞ്ഞാല് വലിയ അനുഗ്രഹമാവുമെന്നും നാട്ടുകാര് പറയുന്നു. സൗത്ത് ഇന്ത്യന് ബാങ്ക് നടുവണ്ണൂര് ശാഖയില് എം.കെ. പ്രഭയുടെ പേരില് അക്കൗണ്ടും (നമ്പര്: 0189053000 016435, ഐഎഫ് എസ്സി കോഡ്: ടകആഘ0 000189) ആരംഭിച്ചിട്ടുണ്ട്. മൊബൈല്: 8086339524.
