ഒറ്റപ്പാലം : അമ്പലപ്പാറ ഗ്രാമ പഞ്ചായത്ത് 12-ാം വാര്ഡ് യുഡിഎഫ് അംഗം കൃഷ്ണകുമാറിനെ കയ്യേറ്റം ചെയ്തതായി പരാതി. 12-ാം വാര്ഡ് മലപ്പുറം ചുനങ്ങാട് പട്ടികജാതി വാര്ഡിലെ യുഡിഎഫ് പ്രതിനിധിയായ കൃഷ്ണകുമാറിനെയാണ് സിപിഎം മലപ്പുറം ബ്രാഞ്ച് കമ്മിറ്റി അംഗം ഹൈദരാലി കയ്യേറ്റം ചെയ്തത്.
അമ്പലപ്പാറ പഞ്ചായത്ത് ഓഫീസിന് മുന്പില് വെച്ചാണ് സംഭവം നടന്നത്. കൃഷി ഭവനില് നിന്നും ലഭിക്കുന്ന ഫല വൃക്ഷ തൈകള് വാര്ഡില് വിതരണം ചെയ്യുന്നത് സംബന്ധിച്ചു തര്ക്കവും വിതരണത്തിന്റെ ലിസ്റ്റ് ആവശ്യപെട്ട് തന്നെ ജാതി പേര് വിളിച്ചു അധിക്ഷേപിച്ചുകൊണ്ട് ജനപ്രതിനിധിയായ തന്നെ പൊതുജനമധ്യത്തില് അപമാനിക്കുകയായിരുന്നെന്നും കൃഷ്ണകുമാര് പറഞ്ഞു. തൈകള് അപര്യാപ്തത മൂലവും ലോക് ഡൗണ് നിബന്ധനകള് പാലിച്ചും വിതരണം വാര്ഡ് മെമ്പറെ ചുമതലപ്പെടുത്തിയിരുന്നു.
പട്ടിക ജാതി വിഭാഗത്തില്പെട്ട വാര്ഡില് നിന്ന് വിജയിച്ചത് മൂലമുള്ള അസഹിഷ്ണുതയും രാഷ്ട്രീയ വൈരാഗ്യം തിര്ക്കുകയാണെന്ന് കൃഷ്ണകുമാര് പറഞ്ഞു. മര്ദ്ദനത്തില് പരിക്കേറ്റ കൃഷ്ണകുമാര് ഒറ്റപ്പാലം താലൂക്ക് ആശുപത്രിയില് ചികിത്സതേടി . വാര്ഡ് മെമ്പറുടെ പരാതിയില് പട്ടികജാതി വകുപ്പു പ്രകാരം ഒറ്റപ്പാലം പോലീസ് കേസെടുത്തു.
