പാലക്കാട്: ദത്തോപാന്ത് ഠേംഗ്ഡി ജന്മശതാബ്ദി വര്ഷാഘോഷത്തോടനുബന്ധിച്ച് കേരള വൈദ്യുതി മസ്ദൂര് സംഘി(ബിഎംഎസ്)ന്റെ നേതൃത്വത്തില് 10 നിര്ധന കുടുംബങ്ങളുടെ വീടുകള് സൗജന്യമായി വൈദ്യുതീകരിച്ച് കണക്ഷന് നല്കി.
പറളി തേനൂരില് ഓണ്ലൈന് പഠനത്തിന് ബുദ്ധിമുട്ടിയ പത്തിലും, പ്ലസ്ടുവിനും പഠിക്കുന്ന വിദ്യാര്ഥിനികളുടെ വൈദ്യുതീകരിച്ച വീടിന് കണക്ഷന് നല്കികൊണ്ട് ദേശീയ സമിതി അംഗം പി.കെ. രവീന്ദ്രനാഥ് ഉദ്ഘാടനം ചെയ്തു.
ബിജെപി സംസ്ഥാന സെക്രട്ടറി രേണു സുരേഷ് ആശംസറിയിച്ചു. വര്ക്കിങ് പ്രസിഡന്റ് കെ. രാജേഷ് അധ്യക്ഷനായി. കെവിഎംഎസ് ഡിവിഷന് സെക്രട്ടറി കെ.ബി. ബിജു, സംസ്ഥാന സെക്രട്ടറി എം. രാജേഷ്, ബിജെപി ജില്ലാസെക്രട്ടറി കെ.എം. ബിന്ദു, ബിഎംഎസ് മേഖലാ സെക്രട്ടറി കെ.ആര്. രാജന്, എം.ജി. സജിത്ത് എന്നിവര് സംസാരിച്ചു.
