ആലത്തൂര്‍: കിണറ്റില്‍ വീണ വിഷ പാമ്പിനെ വനംവകുപ്പ് രക്ഷിച്ചു. കഴിഞ്ഞദിവസം രാത്രിയാണ് വെങ്ങന്നൂര്‍ സ്വദേശി ഉണ്ണികൃഷ്ണന്റെ വീട്ടിലെ കിണറ്റില്‍ പാമ്പ് അകപ്പെട്ടത്. രാവിലെ വീട്ടുകാര്‍ വെള്ളമെടുക്കാന്‍ നോക്കിയപ്പോഴാണ് പാമ്പിനെ കാണുന്നത്. വീട്ടുകാര്‍ ഉടന്‍ തന്നെ വനംവകുപ്പിനെ വിവരമറിയിക്കുകയായിരുന്നു. പ്രത്യേകതരം കുടുക്കുണ്ടാക്കി ഏറെ നേരം പണിപ്പെട്ടാണ് പാമ്പിനെ രക്ഷിച്ചത്.
വനം വകുപ്പ് ചൂലന്നൂര്‍ സെക്ഷന്‍ ഓഫീസര്‍ എസ്. രമേഷിന്റെ നേതൃത്വത്തിലാണ് രക്ഷാപ്രവര്‍ത്തനം നടത്തിയത്. ബിഎഫ്ഒമാരായ സുനില്‍ പ്രകാശ്, ഫൈസല്‍ റഹ്മാന്‍ ,വാച്ചര്‍ സുകുമാരന്‍ എന്നിവരും രക്ഷാപ്രവര്‍ത്തനത്തില്‍ പങ്കുചേര്‍ന്നു.
പ്രതികരിക്കാൻ ഇവിടെ എഴുതുക: