പുൽപ്പള്ളി: വനവാസി യുവാവിനെ കടുവ കൊന്നു തിന്നു. പുൽപ്പള്ളി ബസവൻ കൊല്ലി കോളനിയിലെ മാധവന്റെ മകൻ ശിവകുമാറിന്റെ (23) മൃതദേഹാവശിഷ്ടങ്ങളാണ് കണ്ടെത്തിയത്.
ശിവകുമാറിനെ ഇന്നലെ മുതൽ കാണാനില്ലായിരുന്നു. വിറക് ശേഖരിക്കാനായി വനത്തിൽ പോയതായിരുന്നു. രാത്രിയും കാണാതായതോടെ നടത്തിയ തെരച്ചിലിൽ ശരീരാവശിഷ്ടങ്ങൾ കണ്ടെത്തുകയായിരുന്നു.
ശിവകുമാറിനായി പൊലീസ് ഉദ്യോഗസ്ഥരും, നാട്ടുകാരും ഇന്നലെ മുതല് തിരച്ചില് നടത്തിയെങ്കിലും അല്പ്പസമയത്തിന് മുമ്പാണ് മൃതദേഹം കണ്ടെത്തിയത്. സ്ഥലത്ത് സംഘർഷാവസ്ഥ നിലനില്ക്കുന്നതിനാല് പ്രദേശത്ത് കൂടുതല് പൊലീസെത്തിയിട്ടുണ്ട്.
ഇന്നലെ മുതല് കാണാതായിട്ടും ശിവകുമാറിനായി തിരച്ചില് നടത്താന് താമസിച്ചു എന്നാണ് വനവാസി പ്രവര്ത്തകരുടെ ആരോപണം.
