കാസര്‍കോട്: ലോക്ഡൗണില്‍ അന്യ സംസ്ഥാനങ്ങളില്‍ നിന്നുള്ള ലഹരിക്കടത്ത് തടയാന്‍ എക്‌സൈസ് വകുപ്പ് നടത്തിയ പരിശോധനയില്‍ ഇന്നലെ 3.6 ലിറ്റര്‍ കര്‍ണ്ണാടക മദ്യവും അഞ്ച് ലിറ്റര്‍ കേരളാ മദ്യവും 80 ലിറ്റര്‍ വാഷും പിടികൂടി.
ഹോസ്ദുര്‍ റേഞ്ച് ഓഫീസിന്റെ നേതൃത്വത്തില്‍ നടന്ന പരിശോധനയില്‍ ഹോസ്ദുര്‍ഗ് താലൂക്കില്‍ പെരിയ വില്ലേജിലെ മാരിക്കളം എന്ന സ്ഥലത്ത് നിന്ന് 40 ലിറ്റര്‍ വാഷ് കണ്ടെത്തി നശിപ്പിച്ചു.
ബേഡഡുക്ക വില്ലേജിലെ നെല്ലിടയുക്കം എന്ന സ്ഥലത്ത് നിന്ന് 40 ലിറ്റര്‍ വാഷ് ഉടമസ്ഥനില്ലാത്ത നിലയില്‍ കണ്ടെത്തി.
മഞ്ചേശ്വരം താലൂക്കില്‍ ലാല്‍ബാഗ് ബോളംഗള എന്ന സ്ഥലത്ത് നിന്ന് 3.6 ലിറ്റര്‍ കര്‍ണ്ണാടക മദ്യം പിടികൂടി. ചെന്നപ്പ ഷെട്ടിക്ക് എതിരെ അബ്കാരി കേസെടുത്തു. കാസര്‍കോട് താലൂക്കില്‍ തെക്കില്‍ വില്ലേജിലെ പൊയിനാച്ചിയില്‍ നിന്ന് അഞ്ച് ലിറ്റര്‍ ഐ എം എഫ് എല്‍ പിടിച്ചെടുത്തു. സംഭവത്തില്‍ അശോകന്‍ എന്നയാള്‍ക്കെതിരെ അബ്കാരി കേസെടുത്തു.
പ്രതികരിക്കാൻ ഇവിടെ എഴുതുക: