മണ്ണാര്‍ക്കാട്ട്: വട്ടമ്പലത്തുണ്ടായ വാഹനാപകടത്തില്‍ സ്‌കൂട്ടര്‍ യാത്രക്കാരി മരിച്ചു. അമ്മയും മകളും സഞ്ചരിച്ച സ്‌കൂട്ടര്‍ മിക്‌സര്‍ ലോറിയുമായി കൂട്ടിയിടിച്ചാണ് അപകടണം. സ്‌കൂട്ടറിനു പുറകിലിരുന്ന തോട്ടര വെള്ളപ്പുള്ളി വീട്ടില്‍ യൂസഫ് മുസ്ലിയാരുടെ ഭാര്യ സക്കീന (47) ആണ് മരിച്ചത്. വാഹനം ഓടിച്ച മകള്‍ സൗദ (27) ക്ക് ഗുരുതര പരിക്ക്.
മണ്ണാര്‍ക്കാട് വട്ടമ്പലം സ്വകാര്യ ആശുപത്രിക്ക് സമീപം ഉച്ചക്ക് 2.30 നാണ് സംഭവം നടന്നത്. വട്ടമ്പലം കയറ്റത്തില്‍ ലോറിയെ മറികടക്കാന്‍ ശ്രമിക്കുമ്പോള്‍ സിമന്റ് കയറ്റി പോകുന്ന ലോറിയിലാണ് ഇടിച്ചത്. ഇടിയുടെ ആഘാതത്തില്‍ സ്‌കൂട്ടര്‍ പൂര്‍ണ്ണമായും കത്തിനശിച്ചു. സക്കീന ലോറിക്കിടയിലേക്ക് വീണു. ഗുരുതര പരിക്കേറ്റ ഇരുവരെയും വട്ടമ്പലം സ്വകാര്യ ആശുപത്രിയില്‍ എത്തിച്ചെങ്കിലും സക്കീന മരിച്ചു. അബ്ദുള്‍ ഹക്കിം ഫൈസിയാണ് മരിച്ച സക്കീനയുടെ മകന്‍.
പ്രതികരിക്കാൻ ഇവിടെ എഴുതുക: