പെരുമ്പാവൂര്‍: കാലടി മണപ്പുറത്ത് ‘മിന്നല്‍ മുരളി’ എന്ന സിനിമയ്‌ക്കായി ഒരുക്കിയ സെറ്റ് തകര്‍ത്ത സംഭവത്തില്‍ രണ്ടാം പ്രതി അറസ്റ്റിലായി. കാലടി മാണിക്കമംഗലം സ്വദേശി കൃഷ്ണദാസാണ് (27) പെരുമ്പാവൂര്‍ പോലീസിന്റെ പിടിയിലായത്. സംഭവശേഷം ഒളിവില്‍ പോയ പ്രതിയെ അറസ്റ്റ് ചെയ്ത പെരുമ്പാവൂര്‍ പോലീസ് ഇയാളെ മണപ്പുറത്ത് എത്തിച്ച് തെളിവെടുപ്പ് നടത്തി.
എഎച്ച്പിയുടെ സൈബര്‍ വിഭാഗം കൈകാര്യം ചെയ്യുന്ന പ്രവര്‍ത്തകനാണ് പ്രതി. സംഭവത്തില്‍ 10 പേര്‍ക്കെതിരെ കേസെടുത്ത പോലീസ് മുഖ്യപ്രതി മലയാറ്റൂര്‍ രതീഷ് അടക്കം അഞ്ചുപേരെ കഴിഞ്ഞ ദിവസം അറസ്റ്റ് ചെയ്തിരുന്നു.
കാലടി ശിവരാത്രി മണപ്പുറത്ത് അനധികൃതമായി പള്ളിയുടെ മാതൃക നിര്‍മിച്ചെന്നാരോപിച്ചാണ് എഎച്ച്പി നേതാക്കളായ പ്രതികള്‍ സിനിമാ സെറ്റ് തല്ലിത്തകര്‍ത്തത്. ഇതിന്റെ ചിത്രങ്ങള്‍ പിന്നീട് പ്രതികള്‍ തന്നെ നവ മാധ്യമങ്ങളില്‍ പ്രചരിപ്പിച്ചിരുന്നു.
നിരവധി മോഷണക്കേസുകളിലും എടിഎമ്മില്‍ ബോംബ് വച്ച കേസുകളിലും അടക്കം 10 കേസുകളില്‍ കൃഷ്ണദാസ് പ്രതിയാണ്.
പ്രതികരിക്കാൻ ഇവിടെ എഴുതുക: