തിരുവനന്തപുരം: ജന്മഭൂമി ഓണ്‍ലൈനും പ്രജ്ഞാ പ്രവാഹും ചേര്‍ന്ന് നടത്തിയ വീരസവര്‍ക്കര്‍ ലേഖനമത്സരത്തിന്റെ സമ്മാന വിതരണത്തോടനുബന്ധിച്ച് വെബിനാര്‍ ഇന്ന് മൂന്നു മണിക്ക് നടക്കും. ആര്‍എസ്എസ് മുന്‍ അഖിലഭാരതീയ ബൗദ്ധിക് പ്രമുഖ് ആര്‍. ഹരി, ജന്മഭൂമി മുന്‍ചീഫ് എഡിറ്റര്‍ പി.നാരായണന്‍, പ്രജ്ഞാ പ്രവാഹ് ദേശീയ സംയോജകന്‍ ജെ നന്ദകുമാര്‍ എന്നിവര്‍ പങ്കെടുക്കും. ഓണ്‍ ലൈനിലും ജന്മഭൂമിയുടെ ഫേസ് ബുക്ക് പേജിലും പരിപാടി തത്സമയം കാണാം.
ജെ നന്ദകുമാര്‍ ചെയ്ത ‘വീരേതിഹാസം’എന്ന പേരില്‍ നടത്തിയ പ്രഭാഷണങ്ങളെ അടിസ്ഥാനപ്പെടുത്തിയാണ് ജന്മഭൂമി ലേഖന മത്സരം നടത്തിയത്. വിഷ്ണു അശോക് ( ആലപ്പുഴ), അരുണ്‍ കീഴ്മഠം (പാലക്കാട്), സുരേന്ദ്രന്‍ മക്കള്‍ വീട്ടില്‍ ( ചങ്ങനാശ്ശേരി) എന്നിവര്‍ യഥാക്രമം ആദ്യ മൂന്നു സ്ഥാനങ്ങള്‍ക്ക് അര്‍ഹരായി. 10000 രൂപ, 5000 രൂപ, 2500 രൂപ ക്രമത്തില്‍ കാഷ് അവാര്‍ഡും പ്രശംസാ പത്രവും സമ്മാനമായി നല്‍കും.
ആര്‍. ജയകൃഷ്ണന്‍ ( പെരുമ്പാവൂര്‍), ശരവണ്‍ ശശിധരന്‍ (കോട്ടയം), ശ്രീനിധി ബാല (ആലപ്പുഴ), സതീശന്‍ ആലംതട്ടില്‍ (കണ്ണൂര്‍) എന്നിവര്‍ക്ക് 1000 രൂപ വീതം പ്രോത്സാഹന സമ്മാനവും ലഭിക്കും.
പ്രതികരിക്കാൻ ഇവിടെ എഴുതുക: