തിരുവനന്തപുരം: സംസ്ഥാനത്ത് ഇന്ന് 111 പേര്ക്കാണ് കൊറോണ സ്ഥിരീകരിച്ചത്. വൈറസ് ബാധിച്ചവരില് ഇതില് 50 പേര് വിദേശത്ത് നിന്നും (യു.എ.ഇ. 22, കുവൈറ്റ് 15, സൗദി അറേബ്യ 4, താജിക്കിസ്ഥാന് 4, ഒമാന് 2, ഇറ്റലി 2, ഖത്തര് 1) 48 പേര് മറ്റ് സംസ്ഥാനങ്ങളില് (മഹാരാഷ്ട്ര 25, തമിഴ്നാട് 10, ഡല്ഹി 4, ആന്ധ്രാപ്രദേശ് 3, കര്ണാടക 3, ഉത്തര്പ്രദേശ് 1, ഹരിയാന 1, ലക്ഷദ്വീപ് 1) നിന്നും വന്നവരാണ്.
പത്തുപേര്ക്കാണ് സമ്പര്ക്കത്തിലൂടെ (പാലക്കാട് 5, മലപ്പുറം 3, തൃശൂര് 1, കോഴിക്കോട് 1) രോഗം ബാധിച്ചത്. മൂന്നു ആരോഗ്യ പ്രവര്ത്തകര്ക്കും (മലപ്പുറം 2, തൃശൂര് 1) രോഗം സ്ഥിരീകരിച്ചു. ഇന്നു മാത്രം 247 പേരെ ആശുപത്രിയില് പ്രവേശിപ്പിച്ചു. ആകെ 1547 ആശുപത്രിയിലുള്ളത്. സംസ്ഥാനത്തിന്റെ സ്ഥിതി ഗുരുതരമെന്ന് മുഖ്യമന്ത്രി വ്യക്തമാക്കി. കൂടുതല് ശ്രദ്ധ ആവശ്യമാണെന്നും ആദ്ദേഹം പറഞ്ഞു.
ജില്ല തിരിച്ചുള്ള പട്ടിക:
- തിരുവനന്തപുരം 5
- കൊല്ലം 2
- ആലപ്പുഴ 5
- പത്തനംതിട്ട 11
- കോട്ടയം 1
- എറണാകുളം 10
- തൃശൂര് 8
- പാലക്കാട് 40
- വയനാട് 3
- മലപ്പുറം 18
- കോഴിക്കോട് 4
- കാസറഗോഡ് 1
- ഇടുക്കി 3
ഇന്ന് ആഞ്ച് ഹോട്ട് സ്പോട്ടുകള് വര്ധിച്ചു. വയനാട് ജില്ലയിലെ ബത്തേരി മുന്സിപ്പാലിറ്റി, മീനങ്ങാടി, തവിഞ്ഞാല്, കോഴിക്കോട് ജില്ലയിലെ മാവൂര്, കണ്ണൂര് ജില്ലയിലെ മാട്ടൂല് എന്നിവയാണ് പുതിയ ഹോട്ട് സ്പോട്ടുകള്. നിലവില് 128 ഹോട്ട് സ്പോട്ടുകളാണ് ഉള്ളത്. സംസ്ഥാനത്തെ വിവിധ ജില്ലകളിലായി 1,77,106 പേര് നിരീക്ഷണത്തിലാണ്. ഇവരില് 1,75,561 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും നിരീക്ഷണത്തിലാണ്.
സംസ്ഥാനത്ത് ആകെ 1,70,258 പേരാണ് എത്തിയത്. എയര്പോര്ട്ട് വഴി 38,945, സീപോര്ട്ട് വഴി 1621, ചെക്ക് പോസ്റ്റ് വഴി 1,14,336, റെയില്വേ വഴി 15,356 പേരുമാണ് എത്തിയത്. ഇന്ന് രോഗം സ്ഥിരീകരിച്ച് ചികിത്സയിലായിരുന്ന 22 പേരുടെ പരിശോധനാഫലം നെഗറ്റീവ് ആയി. ഇതോടെ 973 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 712 പേര് ഇതുവരെ കോവിഡില് നിന്നും മുക്തി നേടി.
കഴിഞ്ഞ 24 മണിക്കൂറിനിടെ 3597 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതുവരെ 79,074 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 74,769 സാമ്പിളുകളുടെ പരിശോധനാഫലം നെഗറ്റീവ് ആണ്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 19,650 സാമ്പിളുകള് ശേഖരിച്ചതില് 18,049 സാമ്പിളുകള് നെഗറ്റീവ് ആയി.
