കൊച്ചി: കൊറോണ വ്യാപനം നിയന്ത്രണ വിധേയമാകുന്നത് വരെ മെഡിക്കല് കോളേജിന്റേയും കാന്സര് സെന്ററിന്റേയും പ്രവര്ത്തനക്രമീകരണം തുടരും. ജില്ലയിലെ പ്രധാന കൊറോണ ചികിത്സാകേന്ദ്രമാണ് എറണാകുളം മെഡിക്കല് കോളേജ്.
മെഡിക്കല് കോളേജിന്റെ പ്രവര്ത്തനം എറണാകുളം ജനറല് ആശുപത്രിയിലായിരിക്കും. കാന്സര് സെന്ററിലെ ഔട്ട് പേഷ്യന്റ് വിഭാഗം രാവിലെ ഒമ്പതുമുതല് ഉച്ചയ്ക്ക് രണ്ട് മണി വരെ ജനറല് ആശുപത്രിയില് പ്രവര്ത്തിക്കുന്നുണ്ട്. ശസ്ത്രക്രിയകള് നടത്തുന്നതിന് ജനറല് ആശുപത്രിക്ക് കടവന്ത്രയില് ഇന്ദിര ഗാന്ധി സഹകരണ ആശുപത്രിയിലും സൗകര്യമൊരുക്കിയിട്ടുണ്ട്. കാന്സര് സെന്ററില് ചികിത്സ ആഗ്രഹിക്കുന്ന രോഗികള്ക്ക് 0484 2870287 എന്ന നമ്പറില് അപ്പോയ്ന്റ്മെന്റ് ബുക്ക് ചെയ്യാം.
കൊറോണയുമായി ബന്ധപ്പെട്ട നിയന്ത്രണങ്ങള് മൂലം മെഡിക്കല് കോളേജില് ക്ലാസുകളെ സംബന്ധിച്ചുള്ള തീരുമാനം ആരോഗ്യ സര്വകലാശാല കൈക്കൊള്ളും. മെഡിക്കല് കോളേജില് കൊറോണ ഡ്യൂട്ടിയിലുള്ള ഹൗസ് സര്ജന്മാര്ക്ക് സ്റ്റൈപ്പന്റും ഭക്ഷണ, താമസ സൗകര്യങ്ങളും മെഡിക്കല് കോളേജ് ലഭ്യമാക്കിയിട്ടുണ്ട്.
