കുറ്റ്യാടി : വേളം പഞ്ചായത്തിലെ കാക്കുനിപീടികയില്‍ സിപിഎം കേന്ദ്രത്തില്‍ ബോംബ് സ്ഫോടനം. സ്ത്രീക്ക് ഗുരുതരമായി പരിക്കേറ്റു. ചപ്പുചവറുകള്‍ കത്തിക്കുമ്പോളാണ് ബോംബ് പൊട്ടിയത്.
കാക്കുനി അരൂര്‍ റോഡിലെ പുനത്തില്‍ നാണുവിന്റെ വീട്ടിലാണ് ഇന്നലെ രാത്രി എട്ടരയോടെ ഉഗ്രശബ്ദത്തോടെ സ്ഫോടനം നടന്നത്. സംഭവത്തില്‍ നാണുവിന്റെ ഭാര്യ ശാന്തയ്‌ക്കാണ് (50) പരിക്കേറ്റത്. കൈയ്‌ക്കും കാലിലും മുഖത്തും പൊള്ളലേറ്റ സ്ഥിതിയില്‍ ഇവരെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു.
സ്ഫോടനം നടന്നയുടനെ ഓടിയെത്തിയ നാട്ടുകാരാണ് പരുക്ക് പറ്റിയ ശാന്തയെ ആശുപത്രിയിലേക്ക് കൊണ്ടുപോയത്. സ്ഫോടനത്തെ തുടര്‍ന്ന് വലിയ രീതിയിലുള്ള തീ പടര്‍ന്നതും ഉഗ്രശബ്ദവും നാട്ടുകാരെ പരിഭ്രാന്തിയിലാക്കി.
പ്രതികരിക്കാൻ ഇവിടെ എഴുതുക: