ശ്രീനഗര് : ജമ്മു കശ്മീരില് ചാരവൃത്തി നടത്താന് എത്തിയ പ്രാവിനെ നാട്ടുകാര് പിടികൂടി.ജമ്മു കാശ്മീരില് കത്വ ജില്ലയിലെ ഹിരാനഗര് പ്രവിശ്യയിലുള്ള മന്യാരി ജില്ലയിലെ രാജ്യാന്തര അതിര്ത്തിക്കടുത്താണ് സംഭവം നടന്നത്. പ്രാവ് പാക്കിസ്ഥാനില് നിന്നുമാണ് ഇങ്ങോട്ടേക്ക് പറന്നുവന്നതെന്നും പ്രദേശവാസികള് വ്യക്തമാക്കി.
പ്രാവിന് വിദഗ്ധ പരിശീലനം ലഭിച്ചിട്ടുണ്ട്. ശരീരത്തിലെ നിറ വ്യത്യാസമാണ് പ്രാവിനെ പ്രത്യേകം ശ്രദ്ധിക്കാന് കരണമെന്നും ഗ്രാമവാസികള് പറഞ്ഞു. പ്രാവിന്റെ കാലില് നിന്നും സംഖ്യകള് ആലേഖനം ചെയ്ത വളയം പോലീസ് കണ്ടെത്തിയിട്ടുണ്ട്. വിദഗ്ധരുടെ സഹായത്തോടെ ഈ കോഡ് വിസങ്കേതനം ചെയ്യാനുള്ള ശ്രമങ്ങളാണ് ഇപ്പോള് നടന്നുവരുന്നത്.
പാക്കിസ്ഥാൻ നിരീക്ഷണത്തിനായി അയച്ച പ്രാവാണ് ഇതെന്നാണ് പ്രാഥമിക നിഗമനം എന്ന് പോലീസ് അറിയിച്ചു.
