ന്യൂദല്ഹി : ആഭ്യന്തര വിമാന സര്വീസുകള് പുനസ്ഥാപിക്കുമ്പോള് അമിത നിരക്ക് ഈടാക്കുന്നത് തടയുന്നതിനായി ടിക്കറ്റ് ചാര്ജ് കേന്ദ്രസര്ക്കാര് നിശ്ചയിക്കും. കോവിഡ് മഹാമാരിയുടെ കാലത്ത് യാത്രക്കാരില് നിന്നും കൊള്ളനിരക്ക് ഈടാക്കുന്നത് തടയുന്നതിനായാണ് ഈ നടപടി.
ഓരോ റൂട്ടിലേയും കുടിയതും കുറഞ്ഞതുമായ നിരക്ക് തീരുമാനിക്കും. ഇത് വിമാനക്കമ്പനികള് അംഗീകരിക്കണമെന്ന് കേന്ദ്ര വ്യോമയാന മന്ത്രാലയം അറിയിച്ചു. അടുത്ത മൂന്ന് മാസത്തേക്ക് മുംബൈ- ദല്ഹി വിമാനനിരക്ക് 3500 രൂപയ്ക്കും 10,000 രൂപയ്ക്കും ഇടയിലായിരിക്കുമെന്ന് വ്യോമയാന മന്ത്രി ഹര്ദീപ് സിങ് പുരി പറഞ്ഞു.
യാത്രാ സമയവും റൂട്ടിന്റെ പ്രത്യേകതയും കണക്കിലെടുത്താവും നിരക്കു നിശ്ചയിക്കുക. ഏഴു വിഭാഗങ്ങളായാണ് യാത്രാദൈര്ഘ്യം ക്രമീകരിക്കുക. 0-30 മിനിറ്റ്, 30-60 മിനിറ്റ്, 60-90 മിനിറ്റ്, 90-120 മിനിറ്റ്, 120-150 മിനിറ്റ്, 150-180 മിനിറ്റ്, 180-210 മിനിറ്റ്. ഇതനുസരിച്ച് ദല്ഹി- മുംബൈ ഏറ്റവും കുറഞ്ഞ നിരക്ക് 3,500 രൂപയും കൂടിയ നിരക്ക് 10,000 രൂപയും ആയിരിക്കും. മൂന്നു മാസത്തേക്കാണു നിരക്കെന്നും മന്ത്രി പറഞ്ഞു.
ആകെയുള്ള സീറ്റുകളില് 40 ശതമാനത്തിലും 50 ശതമാനത്തിനടുത്ത് നിരക്കു മാത്രമേ ഈടാക്കാനാവൂ. ദല്ഹി- മുംബൈ റൂട്ടില് 6,700 രൂപയാണെന്നും മന്ത്രി പറഞ്ഞു. കൊറോണ വൈറസ് വ്യാപനത്തിന്റെ പശ്ചാത്തലത്തില് മാര്ച്ചില് നിര്ത്തിവച്ച് വിമാന സര്വീസാണ് 25 മുതല് പുനരാരംഭിക്കുന്നത്. യാത്ര ചെയ്യുന്നതിനുള്ള മാര്ഗ്ഗനിര്ദേശങ്ങള് പുറത്തിറക്കിയിരുന്നു. കണ്ടെയ്ന്മെന്റ് സോണിലുള്ളവര്ക്കു യാത്ര അനുവദിക്കില്ല. പ്രായമുള്ളവര്, ഗര്ഭിണികള്, ആരോഗ്യപ്രശ്നങ്ങള് ഉള്ളവര് പരമാവധി യാത്ര ഒഴിവാക്കണമെന്നും നിര്ദ്ദേശമുണ്ട്.
അതേസമയം ആഭ്യന്തര യാത്രക്കാര്ക്ക് ക്വാറന്റൈന് ആവശ്യമില്ലെന്ന് വ്യോമയാന മന്ത്രി ഹര്ദീപ് സിങ് പുരി അറിയിച്ചു. ആദ്യഘട്ടത്തില് മൂന്നിലൊന്ന് സര്വീസുകളാണ് ആരംഭിക്കുക. ബോര്ഡിങ് പാസടക്കം ഓണ്ലൈന് വഴിയാണ്. കൗണ്ടര് ചെക്കിന് ഉണ്ടാകില്ല. പകരം വെബ് ചെക്കിങ്ങിലൂടെ ആളുകളെ കടത്തി വിടും. 40 മിനിട്ട് മുതല് മൂന്നര മണിക്കൂര് വരെയുള്ള യാത്രാ സമയത്തിന്റെ അടിസ്ഥാനത്തില് ഏഴ് സെക്ഷനുകളായി തിരിച്ചാണ് സര്വീസുകള് തീരുമാനിച്ചിരിക്കുന്നത്.
