കൊച്ചി: ജന്മനാടിന്റെ സുരക്ഷയില്‍ അമ്മയാകാന്‍ ഭാഗ്യം ലഭിച്ച സോണിയയെയും കുഞ്ഞിനെയും കളക്ടര്‍ എസ്. സുഹാസ് സന്ദര്‍ശിച്ചു. ഇന്നലെയാണ് കളക്ടര്‍ കളമേശരി കിന്‍ഡര്‍ ആശുപത്രിയിലെത്തി സോണിയക്കും മകന്‍ ഇസഹാക്കിനും ആശംസകള്‍ നേര്‍ന്നത്. കൊറോണ വ്യാപനത്തെ തുടര്‍ന്ന് മാലിദ്വീപില്‍ കുടുങ്ങിയ സോണിയ ഉള്‍പ്പടെയുള്ളവരെ ഇന്ത്യന്‍ നേവി ഓപ്പറേഷന്‍ സമുദ്ര സേതു രക്ഷാപ്രവര്‍ത്തനത്തിലൂടെ നാട്ടിലെത്തിക്കുകയായിരുന്നു.
യുദ്ധക്കപ്പലായ ഐഎന്‍എസ് ജലാശ്വയില്‍ മെയ് 10നാണ് കൊച്ചിയിലെത്തിയത്. തിരുവല്ല സ്വദേശിയായ സോണിയ മാലിയില്‍ നഴ്സായി ജോലി ചെയ്യുകയായിരുന്നു. ഒന്‍പതു മാസം ഗര്‍ഭിണിയായിരുന്നു. പ്രസവ അസ്വാസ്ഥ്യകള്‍ പ്രകടിപ്പിച്ച സോണിയയെ ആരോഗ്യ പ്രവര്‍ത്തകര്‍ തുറമുഖത്തെ ആംബുലന്‍സില്‍ ആശുപ ത്രിയിലെത്തിക്കുകയായിരുന്നു. സോണിയയുടെ ഭര്‍ത്താവ് ഷിനോജ് കേരളത്തില്‍ നഴ്സാണ്.
പ്രതികരിക്കാൻ ഇവിടെ എഴുതുക: