ന്യൂദല്‍ഹി: പ്രതിരോധ രംഗത്തെ മെയ്‌ക്ക് ഇന്‍ ഇന്ത്യ സംരംഭത്തിന് കുതിപ്പു പകര്‍ന്ന് എണ്ണായിരം കോടി രൂപയുടെ ലൈറ്റ് കോംബാക്റ്റ് യുദ്ധവിമാനം (എല്‍സിഎ) ഈ മാസം അവസാനം പ്രവര്‍ത്തനസജ്ജമാകും.
വ്യോമസേനാ മേധാവി എയര്‍ ചീഫ് രാകേഷ് കുമാര്‍ സിങ് ബദൗരിയ അറിയിച്ചതാണിത്. എല്‍സിഎയുടെ രണ്ടാം ബാച്ചാണിത്. 39,000 കോടി രൂപ മുതല്‍മുടക്കു പ്രതീക്ഷിക്കുന്ന എല്‍സിഎ മാര്‍ക് എ വണ്‍ യുദ്ധവിമാനങ്ങളില്‍ 83 എണ്ണത്തിന്റെ നിര്‍മാണം ഉടന്‍ ആരംഭിക്കും.
ഇന്ത്യയുടെ മണ്ണില്‍ ഇനി ഭീകരാക്രമണമുണ്ടായാല്‍ പാക്കിസ്ഥാന്‍ നന്നായി വിഷമിക്കേണ്ടിവരുമെന്നും വാര്‍ത്താ ഏജന്‍സിയായ എഎന്‍ഐക്കു നല്‍കിയ അഭിമുഖത്തില്‍ വ്യോമസേനാ മേധാവി പറഞ്ഞു.
പാക് അധിനിവേശ കശ്മീരിലെ ഭീകരക്യാംപുകള്‍ക്ക് നേരേ ആകാശമാര്‍ഗം ആക്രമണം നടത്താന്‍ വ്യോമസേന സജ്ജമാണ്. ഭീകരക്യാംപുകള്‍ കൃത്യമായി തകര്‍ക്കാന്‍ വ്യോമസേനയ്‌ക്കു അനായാസം സാധിക്കും. ഏതെങ്കിലുമൊരു സാഹചര്യത്തില്‍ ആക്രമണം വേണ്ടി വന്നാല്‍ 24 മണിക്കൂറും വ്യോമസേന സജ്ജമാണെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: