മട്ടാഞ്ചേരി: ലോക്ഡൗണ് മൂലം ലക്ഷദ്വീപില് കുടുങ്ങിയ 202 യാത്രക്കാരുമായി രണ്ട് കപ്പലുകള് ഇന്ന് കൊച്ചി തുറമുഖത്തെത്തും. കല്പേനിയില് നിന്നുള്ള എംവി മിനിക്കോയ് രാവിലെ ആറിനും ആന്ത്രോത്തില് നിന്ന് എം.വി കോറല് രാവിലെ ഏഴിനും കൊച്ചി തുറമുഖത്ത് ബിടിപി ബര്ത്തില് അടുക്കും. ഇവര്ക്കായുള്ള എല്ലാ സൗകര്യങ്ങളും സാമുദ്രിക ടെര്മിനലില് ഒരുക്കി. കടമത്ത്, അമിനി, ആന്ത്രോത്ത്, കല്പേനി തുടങ്ങിയ ദ്വീപുകളിലുള്ളവരാണ് മടങ്ങിയെത്തുന്നത്.
ആരോഗ്യ പ്രവര്ത്തകര്, സര്ക്കാര് ജീവനക്കാര്, വിദ്യാര്ഥികള്, തൊഴിലാളികള് തുടങ്ങിയവരാണ് കപ്പലില് എത്തുന്നത്. വെള്ളിയാഴ്ച മിനിക്കോയില് നിന്ന് അമ്പതോളം യാത്രക്കാരുമായി എത്തും. ശനിയാഴ്ച എംവി ലക്ഷദ്വീപ് സീയും എംവി കവരത്തിയും എത്തും.
