‘ഞാന്‍ ഭാഗ്യവതി, നിങ്ങളെല്ലാവരും എന്റെ ജീവിതത്തിന്റെ ഭാഗം’; പിറന്നാളാശംസകള്‍ നേര്‍ന്നവര്‍ക്ക് നന്ദി പറഞ്ഞ് സണ്ണി ലിയോണ്‍

പിറന്നാള്‍ ആശംസകള്‍ നേര്‍ന്ന ആരാധകര്‍ക്ക് നന്ദി പറഞ്ഞ് ബോളിവുഡ് താരം സണ്ണി ലിയോണ്‍. ഇന്‍സ്റ്റഗ്രാമില്‍ പോസ്റ്റ് ചെയ്ത വീഡിയോയിലാണ് താരം ആരാധകര്‍ക്ക് നന്ദി പറഞ്ഞത്. എനിക്ക് പിറന്നാളാശംസകള്‍ നേര്‍ന്ന എല്ലാവര്‍ക്കും നന്ദി. നിങ്ങളുടെയെല്ലാം സ്‌നേഹം ലഭിക്കുന്നു എന്നതില്‍ ഞാന്‍ ഭാഗ്യവതിയാണ് നിങ്ങളെല്ലാവരും എന്റെ ജീവിതത്തിന്റെ ഭാഗമാണ്. ഈ ദുരിതകാലവും ഒരു ചെറുചിരിയോടെ നമുക്ക് നേരിടാമെന്ന് സണ്ണിലിയോണ്‍ പറഞ്ഞു.  

1981 മെയ് 13നാണ് കരഞ്ജിത്ത് കൗര്‍ വോഹ്യ എന്ന സണ്ണി ലിയോണ്‍ ജനിച്ചത്. അമേരിക്കന്‍ പൗരത്വം ഉള്ള ഇന്ത്യന്‍ വംശജയാണ് സണ്ണി. സിനിമയില്‍ പ്രവേശിച്ചതോടെയാണ് സണ്ണി ലിയോണ്‍ എന്ന പേര് സ്വീകരിച്ചത്. 2011ല്‍ ബിഗ് ബോസ് എന്ന ടെലിവിഷന്‍ പരിപാടിയിലൂടെ ഇന്ത്യന്‍ റിയാലിറ്റി ഷോയിലും സണ്ണി പങ്കെടുത്തിരുന്നു.  

പൂജ ബട്ടിന്റെ ജിസം 2 എന്ന ലൈഗിക ത്രില്ലര്‍ ചിത്രത്തിലൂടെ 2012ല്‍ ബോളിവുഡിലും അരങ്ങേറ്റം നടത്തി. പിന്നീട് 2013ല്‍ ജാക്പോട്ട്, 2014ല്‍ റാഗിണി എം. എം.സെ് 2, 2015ല്‍ ഏക് പെഹലി ലീല എന്ന സിനിമകളിലും അഭിനയിച്ചിട്ടുണ്ട്. മലയാളത്തില്‍ മമ്മൂട്ടിക്കൊപ്പം മധുരരാജ  എന്ന സിനിമയിലും സണ്ണിലിയോണ്‍ അഭിനയിച്ചിട്ടുണ്ട്. സണ്ണി ലിയോണിന് ഇന്ന് 39 വയസാണ് പൂര്‍ത്തിയായത്.