ന്യൂദല്ഹി: ന്യൂദല്ഹി: ദില്ഷാദ് ഗാര്ഡന് അയ്യപ്പക്ഷേത്രത്തിലെ ‘സാമൂഹികഅടുക്കള’ ഏറെ ശ്രദ്ധേയമാകുന്നു. മാര്ച്ച് 22 മുതല് അയ്യപ്പ സേവാ ക്ഷേത്രസമിതിയുടെ മേല്നോട്ടത്തില് നടത്തിവരുന്ന ‘സാമൂഹിക അടുക്കള’യിലൂടെ ദിവസവും രണ്ടുനേരമായി തയ്യാറാക്കുന്ന 500 ലധികം ഭക്ഷണ പൊതികള് ആണ് വിതരണം ചെയ്യുന്നത്. ദല്ഹിപോലീസിന്റെ സീമാപുരി സ്റ്റേഷന് ഹൗസ് ഓഫീസര് ഹരീഷ്കുമാറിന്റെ നേതൃത്വത്തിലുള്ള ഓഫീസര്മാരാണ് ആലംബഹീനരായവര്ക്ക് വിതരണം ചെയ്യുന്നത്. എസ്.എന്.ജി. ജുവല്ലറി ഉടമയായ സുശീലനാണ് ഭക്ഷണം പാക്ക് ചെയ്യുന്നതിനുള്ള സാമഗ്രികള് സമര്പ്പണം ചെയ്യുന്നത്.
കര്ത്തവ്യനിരതരായ അയ്യപ്പഭക്തരുടെ സാമ്പത്തികസഹായംകൊണ്ടും അര്പ്പണബോധത്തോടെയുള്ള പ്രവര്ത്തനംകൊണ്ടും മാത്രമാണ് ഭക്ഷണ പൊതികള് തയ്യാറാക്കാന് സാധിക്കുന്നതെന്ന് ഭരണസമിതി അംഗളായ വിനോദ്, ഉണ്ണികൃഷ്ണന് എന്നിവര് പറഞ്ഞു.
ലോക്ക് ഡൗണ് തീരുന്നതു വരെ ഈ സാമൂഹിക അടുക്കള തുടരുന്നതാണ്. അതുകഴിഞ്ഞാല് പതിവ് പോലെ എല്ലാ ഞായറാഴ്ച്ചകളിലും പാവപെട്ടവര്വര്ക്കുള്ള അന്നദാനം തുടരുമെന്ന്ജനറല് സെക്രട്ടറി എം ബി രാധേഷ് പറഞ്ഞു
ആത്മീയതക്കും ആതുരസേവനത്തിനും എന്നും മുന്പന്തിയിലാണ്. 1992ല് രജിസ്റ്റര് ചെയ്ത ദില്ഷാദ് ഗാര്ഡന് അയ്യപ്പസേവാസമിതിയുടെ കീഴില് തികച്ചും കേരളത്തിലെ തച്ചുശാസ്ത്ര രീതിയില് പണിത മനോഹരമായ ഒരു അയ്യപ്പക്ഷേത്രവും, ആതുര സേവനത്തിനായി പണിത കെട്ടിടസമുച്ചയത്തില് ആയുര്വേദ, ഫിസിയോതെറാപ്പി, ഹോമിയോ, ,ചികിത്സാ കേന്ദ്രങ്ങളും നടത്തിവരുന്നു.
