മുംബൈ : ആഘോഷങ്ങള് നടത്തേണ്ട സമയമല്ല ഇത്. ഇത്തവണത്ത തന്റെ ജന്മദിനാഘോഷങ്ങള് ഒഴിവാക്കുകയാണെന്ന് ഇന്ത്യന് ക്രിക്കറ്റിന്റെ ഇതിഹാസ താരം സച്ചിന് ടെന്ഡുല്ക്കര്. കോവിഡ് 19 പ്രതിരോധത്തില് മുമ്പില് നിന്ന് പ്രവര്ത്തിക്കുന്നവരോടുള്ള ആദര സൂചകമായാണ് ആഘോഷങ്ങള് ഒഴിവാക്കിയിരിക്കുന്നത്.
ഏപ്രില് 24നാണ് സച്ചിന്റെ ജന്മദിനം. ആരാധകരും ക്രിക്കറ്റ് ലോകവും സച്ചിന്റെ ജന്മദിനം ഏറെ പ്രാധാന്യത്തോടെ ആഘോഷിച്ചിരുന്നു. ഇത്തവണ ഒന്നും ഉണ്ടാകില്ല. ഡോക്ടര്മാര്, നേഴ്സുമാര്, പാരാമെഡിക്കല് സ്റ്റാഫുകള്, പോലീസുകാര് എന്നിങ്ങനെ മുന് നിരയില് നിന്ന് നമുക്ക് വേണ്ടി പ്രവര്ത്തിക്കുന്നവര്ക്കുള്ള ആദരവാണ് ഇതെന്ന് സച്ചിന് കരുതുന്നു. ജന്മദിനാഘോഷത്തെ കുറിച്ചുള്ള സംസാരങ്ങള് സച്ചിനെ അസ്വസ്ഥപ്പെടുത്തുന്നുണ്ടെന്നും അദ്ദേഹത്തോട് അടുത്ത വൃത്തങ്ങള് അറിയിച്ചു.
അതേസമയം സച്ചിന്റെ ഭാഗത്ത് നിന്നുണ്ടായ സാമൂഹിക സേവനങ്ങളെല്ലാം കൂട്ടിയിണക്കി പുത്തന് ജന്മദിനാശംസ സമൂഹമാധ്യമങ്ങളിലൂടെ നേരാന് ആരാധകര് പദ്ധതിയിടുന്നുണ്ട്. സച്ചിന്റെ അധികമാരും കാണാത്ത ഫോട്ടോകളുമായെല്ലാം ഇതിഹാസ താരത്തിന്റെ ഫാന്സ് ക്ലബുകള് സമൂഹമാധ്യമങ്ങളില് എത്തുന്നുണ്ട്.
