തിരുവനന്തപുരം: സംസ്ഥാനത്തെ ഐഎഎസ് തമ്പ്രാക്കള്‍ തമ്മിലുള്ള പടലപ്പിണക്കവും തമ്മിലടിയുമാണ് സ്പ്രിംഗ്ലര്‍ ഇടപാട് പുറത്തു വരാനുള്ള കാരണമെന്ന് ബിജെപി വക്താവ് സന്ദീപ് ജി. വാര്യര്‍. തമ്മിലടി മൂലം അടുത്തത് പൊട്ടാന്‍ പോകുന്നത് കിഫ്ബി വെട്ടിപ്പാണെന്നു സന്ദീപ് ഫേസ്ബുക്കില്‍ കുറിച്ചു.
പോസ്റ്റിന്റെ പൂര്‍ണരൂപം- റീബില്‍ഡ് കേരളക്കാരന്‍ മുതല്‍ കളക്ടര്‍ ബ്രോ വരെയുള്ളവര്‍ ഒരു ഭാഗത്തും ചീഫ് സെക്രട്ടറി മുതല്‍ മുഖ്യമന്ത്രിയുടെ സെക്രട്ടറി വരെയുള്ളവര്‍ മറുഭാഗത്തുമായി അടിയോടടിയാണ് . കെട്ട കാലത്ത് രാഷ്‌ട്രീയം പറയരുതെന്ന് പ്രതിപക്ഷ പാര്‍ട്ടികളെ ഉപദേശിക്കുന്ന മുഖ്യമന്ത്രി , ഈ കെട്ട കാലത്തെങ്കിലും തമ്മില്‍ തല്ലരുത് എന്ന് സ്വന്തം ഉദ്യോഗസ്ഥരെ ഉപദേശിക്കേണ്ടതല്ലേ ? ഇവന്മാരുടെ ചക്കളത്തിപ്പോരു കാരണം നട്ടം തിരിയുന്നത് നാട്ടുകാരാണ് എന്ന ബോധ്യം വേണം. എനിക്കെന്തായാലും സന്തോഷമാണ്. അടുത്തത് പൊട്ടാന്‍ പോകുന്നത് കിഫ്ബി വെട്ടിപ്പാണ്.
പ്രതികരിക്കാൻ ഇവിടെ എഴുതുക: