പാനൂര്‍: ചുംബന സമരനായിക രശ്മി ആര്‍. നായര്‍ക്കെതിരെ കൊളവല്ലൂര്‍ പോലീസില്‍ പരാതി. പാലത്തായി കേസുമായി ബന്ധപ്പെട്ട് എബിവിപി നേതാവിനെതിരെ മോശമായ പദപ്രയോഗം നടത്തി മാനഹാനിയുണ്ടാക്കി എന്നു ചൂണ്ടിക്കാട്ടിയാണ് ചുംബന സമരനായിക രശ്മി ആര്‍. നായര്‍ക്കെതിരെ എബിവിപി നേതാവ് കൊളവല്ലൂര്‍ പോലീസില്‍ പരാതി നല്‍കിയത്.
രശ്മി ആര്‍. നായരെ കൂടാതെ സിപിഎം പ്രവര്‍ത്തകനായ ബിജു നിള്ളങ്ങല്‍, ഫെമിനിസ്റ്റ് ശ്രീജ നെയ്യാറ്റിന്‍കര തുടങ്ങിയവര്‍ക്കെതിരെയും പരാതിയുണ്ട്. പാലത്തായി സംഭവത്തില്‍ പ്രതിയായ പത്മരാജനെ ഒളിവില്‍ താമസിപ്പിച്ചത് എബിവിപി നേതാവാണെന്നും അതിനെ അശ്ലീല ചുവയോടെ ദുര്‍വ്യഖ്യാനിച്ചും ഇവര്‍ സമൂഹമാധ്യമമായ എഫ്ബിയിലൂടെ പ്രചരിപ്പിച്ചുവെന്നും ഇതുമൂലം തന്റെ കുടുംബം ആത്മഹത്യാ മുനമ്പിലാണെന്നും പരാതിയില്‍ പറയുന്നു.
പ്രതികരിക്കാൻ ഇവിടെ എഴുതുക: