കോഴിക്കോട്: ഭരണഘടനാശില്പിയും അധ:സ്ഥിത ജനതയുടെ മോചകനുമായ ബി.ആര്‍. അംബേദ്കറുടെ ജന്മദിനമായ വിഷുദിനത്തില്‍ ബിജെപി നേതാക്കള്‍ വിവിധ പട്ടികജാതി-പട്ടികവര്‍ഗ്ഗ കോളനികള്‍ സന്ദര്‍ശിച്ച് വിഷുകിറ്റുകളും മാസ്‌ക്കുകളും സാനിറ്ററൈസറുകളും വിതരണം ചെയ്തു. രാവിലെ വീടുകളില്‍ അംബേദ്കറുടെ ഫോട്ടോയില്‍ മാലചാര്‍ത്തി പുഷ്പാര്‍ച്ചന നടത്തിയതിന് ശേഷമാണ് നേതാക്കള്‍ കോളനികളില്‍ സന്ദര്‍ശനം നടത്തിയത്. ബിജെപി നേതാക്കളായ വി.വി. രാജന്‍, പി. രഘുനാഥ്, അഡ്വ. കെ.പി. പ്രകാശ്ബാബു, വി.കെ. സജീവന്‍, ടി.പി. ജയചന്ദ്രന്‍, സി.ആര്‍. പ്രഫുല്‍കൃഷ്ണന്‍, എം. മോഹനന്‍, ടി. ബാലസോമന്‍, പി. ജിജേന്ദ്രന്‍ തുടങ്ങി ഒട്ടനവധി നേതാക്കള്‍ വിവിധ കോളനികളില്‍ സന്ദര്‍ശനം നടത്തി കിറ്റുകളും മാസ്‌ക്കുകളും വിതരണം ചെയ്തു.
ബിജെപി സംസ്ഥാന വൈസ് പ്രസിഡണ്ട് വി.വി.രാജന്‍ ഉണ്ണികുളത്ത് കിഴക്കേക്കര കോളനി സന്ദര്‍ശിച്ച് വിഷു കൈനീട്ടം സമ്മാനിച്ചു. എം.സി.ശശീന്ദ്രന്‍,പ്രസിഡണ്ട് ബബീഷ് ഉണ്ണികുളം, കെ.കെ.സജീവ്, അരുണ്‍.വി, ശശി എന്നിവരും പങ്കെടുത്തു.
സിവില്‍ സ്റ്റേഷന്‍ ഏരിയയിലെ അംബേദ്ക്കര്‍ കോളനിയില്‍ ബിജെപി സംസ്ഥാന സെക്രട്ടറി പി. രഘുനാഥിന്റെ നേതൃത്വത്തില്‍ സമ്പര്‍ക്കം നടത്തി കിറ്റുകള്‍ വിതരണം ചെയ്തു. കരിക്കാംകുളം ഗാന്ധി കോളനിയില്‍ മേഖല ജനറല്‍ സെക്രട്ടറി പി. ജിജേന്ദ്രനും പാറോപ്പടി ചേവരമ്പലം പുല്‍പറമ്പില്‍ കോളനിയില്‍ കൗണ്‍സിലറും ഇ. പ്രശാന്ത്കുമാറും ചെലവൂര്‍ ഏരിയയിലെ വിരുപ്പില്‍ വള്ളിയേക്കാട്ട് കോളനിയില്‍ കൗണ്‍സിലര്‍ ജിഷ ഗിരിഷും സമ്പര്‍ക്കത്തിന് നേതൃത്വം നല്‍കി. പാറോപ്പടി ഏരിയയിലെ മാലൂര്‍കുന്ന് കോളനിയില്‍ ബിജെപി ജില്ലാ സെക്രട്ടറി എം. രാജീവ് കുമാറും തിരുത്തിയാട് ഏരിയയിലെ നടക്കാവ് കാട്ടുവയല്‍ കോളനിയില്‍ നിയോജക മണ്ഡലം പ്രസിഡണ്ട് കെ. ഷൈബുവും നേതൃത്വം നല്‍കി.
പെരുവയല്‍ പനോളി കോളനിയില്‍ നടന്ന പുഷ്പ്പാര്‍ച്ചന ബിജെപി സംസ്ഥാന സെക്രട്ടറി അഡ്വ. കെ.പി. പ്രകാശ് ബാബു ഉദ്ഘാടനം ചെയ്തു. മണ്ഡലം സെക്രട്ടറി കല്ലട ബിജു, ബിബിന്‍ പൊന്നുംപുറത്ത്, രാജീവ് ചാത്തമ്പത്ത്, കെ.ടി. ബാബുരാജ് എന്നിവര്‍ പങ്കെടുത്തു.
നാദാപുരം ഗവ :ഹോസ്പിറ്റല്‍ അസിസ്റ്റന്റ് നേഴ്‌സായി ജോലി ചെയ്യുന്ന വിലങ്ങാട് വായാട് പട്ടികവര്‍ഗ്ഗ കോളനിയിലെ ചന്തു വി.ഡിയെ ആദരിച്ചു. വിലങ്ങാട് കെട്ടില്‍ കോളനിയിലെ വീടുകളില്‍ മാസ്‌ക്ക് വിതരണവും ചെയ്തു . എസ്.ടി മോര്‍ച്ച ജില്ലാ പ്രസിഡണ്ട്, എം സി അനീഷ് ബി.ജെ.പി നാദാപുരം മണ്ഡലം പ്രസിഡണ്ട് രഞ്ജിത്ത് അരുര് .രാജഗോപാല്‍ ,രേഷ്മ കരികുളം, മാമ്പറ്റ ബാലന്‍, സുരേഷ് എം തുടങ്ങിയവര്‍ സംബന്ധിച്ചു
പരുത്തിപ്പറചൂരക്കാട് കോളനിയില്‍ ഒ.ബി.സി മോര്‍ച്ച കോഴിക്കോട് ജില്ല അദ്ധ്യക്ഷന്‍ നാരങ്ങയില്‍ ശശിധരന്‍ ഉദ്ഘാടനം ചെയ്തു പി.കെ. പരമേശ്വരന്‍, സുനില്‍ കെ.സി,വിനോദ് കെ,സുകു, കെ.എന്‍ എന്നിവ ര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: