ശ്രീനഗര്‍ : കോവിഡിനിടയിലും അതിര്‍ത്തിയില്‍ പ്രകോപനവുമായി എത്തിയ പാക്കിസ്ഥാന് ചുട്ടമറുപടി നല്‍കി ഇന്ത്യന്‍ സൈന്യം. വെടിനിര്‍ത്തല്‍ കരാര്‍ ലംഘിച്ച് ജമ്മു കശ്മീര്‍ കുപ്‌വാരയില്‍ കേരന്‍ സെക്ടറില്‍ പാക്കിസ്ഥാന് കഴിഞ്ഞ ദിവസം ഷെല്ലാക്രമണം നടത്തിയിരുന്നു. അതിന് തിരിച്ചടി നല്‍കുകയായിരുന്നു.
ഇന്ത്യന്‍ അതിര്‍ത്തിക്കപ്പുറമുള്ള പാക്കിസ്ഥാനിലെ ഭീകര ക്യാംപുകളും ആയുധപ്പുരയും ഇന്ത്യന്‍ സൈന്യം തകര്‍ത്തു. ആക്രമണത്തിന്റെ വിഡിയോയും സൈന്യം പുറത്തുവിട്ടിട്ടുണ്ട്. പ്രത്യേക സുരക്ഷാസേനയിലെ 5 പേരെ പാക്കിസ്ഥാന് വധിച്ച് അഞ്ചാം ദിവസമാണ് ഇന്ത്യ തിരിച്ചടി നല്‍കിയത്.
ഇന്ത്യന്‍ സൈന്യം നടത്തിയ ആക്രമണത്തില്‍ പാക് ഭീകരരുടെ ലോഞ്ച് പാഡുകളും ഗണ്‍ പൊസിഷനുകളും ആയുധപ്പുരയും ആക്രമണത്തില്‍ തകര്‍ന്നു. ഇന്ത്യന്‍ പ്രത്യാക്രമണത്തില്‍ പാക് ഭീകരര്‍ക്ക് കനത്ത നഷ്ടമാണ് ഉണ്ടായതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
പ്രതികരിക്കാൻ ഇവിടെ എഴുതുക: