തിരുവനന്തപുരം: കൊറോണയില് പൊറുതിമുട്ടിയ സംസ്ഥാനത്തെ ജനങ്ങളെ വീണ്ടും കൊള്ളയടിക്കാനൊരുങ്ങി പിണറായി സര്ക്കാര്. നിര്ബന്ധിത സാലറി ചലഞ്ചുണ്ടാകില്ലെന്ന് സര്ക്കാര് വ്യക്തമാക്കിയിരുന്നെങ്കിലും ഈയാഴ്ച തന്നെ ഇതുമായി ബന്ധപ്പെട്ട ഉത്തരവുണ്ടാകുമെന്ന് ധനമന്ത്രി തോമസ് ഐസക് വ്യക്തമാക്കി.
ജീവനക്കാരുമായി വിഷയം ചര്ച്ച ചെയ്യുന്നതില് പോലും തീരുമാനമാകാത്ത സാഹചര്യത്തിലാണ് സാലറി ചലഞ്ച് നടപ്പാക്കുമെന്ന് ധനമന്ത്രി വ്യക്തമാക്കിയിരിക്കുന്നത്.
പൊതുമേഖലാ സ്ഥാപനങ്ങളിലും സാലറി ചലഞ്ച് നടപ്പാക്കുമെന്ന് പറഞ്ഞ മന്ത്രി ഇവിടെയുള്ള ജീവനക്കാര് ഇതുമായി സഹകരിക്കണമെന്നും വ്യക്തമാക്കി. ക്ഷേമപെന്ഷന് ഇനി തപാല്വഴി ലഭ്യമാക്കും. 55 ലക്ഷം പേര്ക്ക് 8000 രൂപ വച്ച് നല്കും. സഹകരണ ബാങ്ക് വഴി ക്ഷേമ പെന്ഷന് ലഭിക്കുന്നവര്ക്ക് ആ രീതി തന്നെ തുടരുമെന്നും തോമസ് ഐസക്ക് കൂട്ടിച്ചേര്ത്തു.
