കൊച്ചി : പ്രധാനമന്ത്രിയുടെ ദീപം തെളിയിക്കല്‍ ആഹ്വാനത്തില്‍ എല്ലാവരും പങ്കെടുക്കണമെന്ന്് അഭ്യര്‍ത്ഥിച്ച് നടന്‍ മമ്മൂട്ടി. തന്റെ ഫേസ് ബുക്ക് വീഡിയോയിലൂടെയാണ് മമ്മൂട്ടി ദീപം തെളിയിക്കുന്നതിനെ പിന്തുണച്ച് രംഗത്ത് എത്തിയിരിക്കുന്നത്.
ഏപ്രില്‍ അഞ്ചിന് രാത്രി ഒമ്പതുമണി മുതല്‍ ഒമ്പതുമിനുട്ട് നേരം എല്ലാവരും അവരവരുടെ വീടുകളില്‍ ദീപം തെളിയിക്കണം. ഈ ഐക്യദീപത്തിന് തന്റെ എല്ലാ പിന്തുണയും എല്ലാ ആശംസകളും. കോവിഡ് എന്ന മഹാവിപത്തിനെതിരെ നമ്മുടെ നാട് ഒറ്റക്കെട്ടായി ഒറ്റ മനസ്സോടെ എല്ലാ കഷ്ടനഷ്ടങ്ങളും സഹിച്ച് പോരാടുകയാണ്.
പ്രധാനമന്ത്രി അഭ്യര്‍ത്ഥന പ്രകാരം ഐക്യത്തിന്റെയും സാഹോദര്യത്തിന്റെയും പ്രതീകമായുള്ള ഈ മഹാസംരംഭത്തില്‍ എല്ലാവരും പങ്കാളികളാകണമെന്നും താന്‍ അഭ്യര്‍ത്ഥിക്കുന്നതായും മമ്മൂട്ടി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: