കോലഞ്ചേരി: കൊറോണ വൈറസ് വ്യാപനത്തിനിടെ ലോക്ഡൗണ് നിര്ദേശം ലംഘിച്ച് പള്ളിയില് ആരാധന നടത്തിയ വൈദികനടക്കം അഞ്ച്പേരെ പുത്തന്കുരിശ് പോലീസ് അറസ്റ്റ് ചെയ്തു. കോലഞ്ചേരി കക്കാട്ടുപാറ സെന്റ് മേരീസ് യാക്കോബായ ചാപ്പലില് ഇന്നലെ രാവിലെ അഞ്ചരയോടുകുടി നടത്തിയ ആരാധനയെ തുടര്ന്നാണ് അറസ്റ്റ് ചെയ്തത്. ഫാദര് ഗീവര്ഗീസ് ചെങ്ങനാട്ട് കുഴി, ചടങ്ങില് പങ്കെടുത്ത സിറിള് എല്ദോ പാണ്ടന്ചേരി, എല്ദോ സാജു താഴേടത്ത്, പത്രോസ് പുരവത്ത്, എല്ദോ പീറ്റര് മടത്തികുടിയില് എന്നിവരെയാണ് അറസ്റ്റ് ചെയ്തത്. നിലവിലെ നിയന്ത്രണങ്ങള് ലംഘിച്ച് ആരാധന നടത്തിയതിന് കേരള എപ്പിഡമിക് ഡിസീസ് ഓര്സിനന്സ് പ്രകാരമാണ് കേസ് എടുത്തിരിക്കുന്നതെന്ന് പോലീസ് അറിയിച്ചു. ഇവരെ പീന്നീട് ജാമ്യത്തില് വിട്ടയച്ചു.
കൂത്താട്ടുകുളം തിരുമാറാടി പഞ്ചായത്തിലെ കാക്കൂര് ആട്ടിന്കുന്ന് സെന്റ് മേരീസ് ഓര്ത്തഡോക്സ് പള്ളിയില് ഇന്നലെ രാവിലെ 7ഓടെയാണ് നിയമം ലംഘിച്ച് കുര്ബാന നടത്തിയത്. വികാരി ഫാ. ഗീവര്ഗീസ് ജോണ്സണ്, സാജു വര്ഗീസ്, തോമസ്, എ.യു. പൗലോസ്, ജോര്ജ് വര്ഗീസ്, ഗീവര്ഗീസ്, സക്കറിയ, ബിനോയി ചേരാംകൊമ്പില് തുടങ്ങി എട്ടുപേരാണ് പള്ളിയില് ഉണ്ടായിരുന്നത്. വിവരമറിഞ്ഞെത്തിയ പോലീസ് ഇവരെ അറസ്റ്റ് ചെയ്യുകയായിരുന്നു.
കണ്ടുകെട്ടിയ വാഹനങ്ങള് ലോക്ഡൗണ് കാലത്തിന് ശേഷമേ കൈമാറുകയൊള്ളൂവെന്ന് പോലീസ് പറഞ്ഞു. കൊറോണ പ്രതിരോധത്തിന്റെ ഭാഗമായി ലോക്ഡൗണ് പ്രഖ്യാപിച്ചതോടെ ആരാധനാലയങ്ങളിലെ കുര്ബാന, നമസ്കാരം, ഉത്സവങ്ങള് തുടങ്ങി എല്ലാ ചടങ്ങുകളും ഒഴിവാക്കി വിശ്വാസികളെ പ്രവേശിപ്പിക്കുന്നതും നിര്ത്തിവച്ചിരുന്നു. ഈ നിര്ദേശങ്ങള് ലംഘിച്ചാണ് കുര്ബാന നടത്തിയത്.
