കോഴിക്കോട്: ഇന്നലെ വിവിധ ഓഫീസുകളില്‍ യാത്രയയപ്പിന്റെ ദിവസമായിരുന്നു. കോവിഡ് രോഗനിയന്ത്രണ കാലമായതിനാല്‍ നിബന്ധനകള്‍ ഏറെ. എന്നാല്‍ യാത്രയയപ്പ് ഒഴിവാക്കാന്‍ പറ്റില്ലല്ലോ. തങ്ങളുടെ മേലുദ്യോഗസ്ഥന് ഉചിതമായ രീതിയില്‍ യാത്രയയപ്പ് ഒരുക്കുകയായിരുന്നു കോഴിക്കോട് സിറ്റി പോലീസ്. കോഴിക്കോട് സിറ്റി പോലീസ് ഡെപ്യൂട്ടി കമ്മീഷണര്‍ എ.കെ. ജമാലുദ്ദീന് വേറിട്ട രീതിയിലാണ് യാത്രയയപ്പ് നല്‍കിയത്.
സഹപ്രവര്‍ത്തകര്‍ വയര്‍ലെസ് സന്ദേശത്തിലൂടെ ആശംസകള്‍ കൈമാറിയാണ് അദ്ദേഹത്തിന് യാത്രയയപ്പ് നല്‍കിയത്. ഇന്നലെ രാവിലെ എട്ടു മണിക്ക് സിറ്റി പോലീസ് കമ്മീഷണര്‍ കെ.വി. ജോര്‍ജ്ജ് വയര്‍ലെസിലൂടെ ആദ്യം യാത്രയയപ്പ് സന്ദേശം നല്‍കി. ഇതിന് തൊട്ടുപിന്നാലെ സിറ്റി പോലീസ് പരിധിയിലെ മുഴുവന്‍ സ്റ്റേഷന്‍ എസ്എച്ച്ഒമാരും വയര്‍ലെസ്സിലൂടെ അദ്ദേഹത്തിന് യാത്രയയപ്പ് ആശംസകള്‍ നേര്‍ന്നു.
കോവിഡ് 19 മായി ബന്ധപ്പെട്ട നിയന്ത്രണങ്ങളുടെ പശ്ചാത്തലത്തില്‍ വിരമിക്കലിന്റെ ഭാഗമായുള്ള എല്ലാ ചടങ്ങുകളും മാറ്റിവെക്കുകയായിരുന്നു.
പ്രതികരിക്കാൻ ഇവിടെ എഴുതുക: