കാക്കൂര്: മന്ത്രി എ.കെ. ശശീന്ദ്രന് പൊതുഅടുക്കളയില് സന്ദര്ശനം നടത്തിയത് ഹെല്ത്ത് പ്രോട്ടോക്കോള് ലംഘിച്ചെന്ന് ആരോപണം. ചേളന്നൂര് ഗ്രാമപഞ്ചായത്ത് എട്ടേനാല് കൊടുന്താളി ഹോട്ടലില് അരംഭിച്ച പൊതുഅടുക്കളയിലാണ് മന്ത്രി എ.കെ. ശശീന്ദ്രന് എത്തിയത്. എന്നാല് മന്ത്രിക്കൊപ്പം ഇരുപത്തി അഞ്ചിലധികം പേരും ഉണ്ടായിരുന്നു. ഒപ്പമുണ്ടായിരുന്നവര് മന്ത്രിയോടൊപ്പം അടുക്കളയിലേക്ക് തള്ളിക്കയറി. ഇതുകൂടാതെ ഹോട്ടലിനുപുറത്തും ഇതിലധികം ആളുകള് കൂടി നിന്നു.
പൊതുജനം കര്ശന നിയന്ത്രണങ്ങള് പാലിക്കുമ്പോഴാണ് ഈ പരസ്യമായ നിയമലംഘനം മന്ത്രിയുടെ സാന്നിധ്യത്തില് തന്നെ നടന്നത്. മുഖ്യമന്ത്രി സമൂഹ അടുക്കളയിലെ തള്ളിക്കയറ്റത്തെയും ഫോട്ടോ എടുക്കുന്ന സ്വഭാവത്തെയും അതിശക്തമായി വാര്ത്താസമ്മേളനത്തില് നിശിതമായി വിമര്ശിക്കുകയും അടുക്കള പ്രവേശനത്തിന് ശക്തമായ നിയന്ത്രണം പാലിക്കണമെന്ന നിര്ദ്ദേശം നല്കുകയും ചെയ്യുമ്പോഴാണ് സാമൂഹ്യ രോഗ വ്യാപനത്തിന് സഹായമാകുന്ന വിധത്തിലുള്ള ഈ ആള്ക്കൂട്ടം. ഇതിനെതിരെ വ്യാപക പ്രതിഷേധമാണ് ഉയര്ന്നിട്ടുള്ളത്. കുറ്റക്കാര്ക്കെതിരെ നിയമപരമായ നടപടി വേണമെന്നും ആവശ്യമുയര്ന്നിട്ടുണ്ട്.
ജന്മഭൂമി ഓണ്ലൈന്