തിരുവനന്തപുരം: സംസ്ഥാനത്ത് 19 പേര്‍ക്കു കൂടി കൊറോണ സ്ഥിരീകരിച്ചു. ഇതോടെ ആകെ രോഗം ബാധിച്ചവരുടെ എണ്ണം 138 ആയി. ഇതില്‍ 126 പേര്‍ നിലവില്‍ ആശുപത്രിയില്‍ ചികിത്സയിലുണ്ട്. കണ്ണൂരില്‍ ഒമ്പതു പേര്‍ക്ക് ഇന്നു രോഗം സ്ഥിരീകരിച്ചു. കാസര്‍കോഡ് – 3, മലപ്പുറം – 3, തൃശൂര്‍ – 2, ഇടുക്കി – 1, വയനാട് – 1 എന്നിങ്ങനെയാണു മറ്റു ജില്ലകളില്‍ രോഗം സ്ഥിരീകരിച്ചവരുടെ എണ്ണമെന്നു മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ അറിയിച്ചു.
നിലവില്‍ 1,20,003 പേര്‍ സംസ്ഥാനത്ത് കോവിഡ് സംശയത്തെത്തുടര്‍ന്നു നിരീക്ഷണത്തിലുണ്ട്. ഇതില്‍ 1,01,402 പേര്‍ വീടുകളിലും 601 പേര്‍ ആശുപത്രിയിലും ഐസൊലേഷനിലാണ്. 136 പേരെ പുതിയതായി ആശുപത്രിയില്‍ പ്രവേശിപ്പിച്ചു.
എറണാകുളത്ത് ചികിത്സയിലിരുന്ന മൂന്ന് കണ്ണൂര്‍ സ്വദേശികളും രണ്ടു വിദേശ പൗരന്‍മാരും രോഗം ഭേദമായതിനെ തുടര്‍ന്ന് ആശുപത്രി വിട്ടു. പത്തനംതിട്ടയില്‍ ചികിത്സയിലിരുന്ന ഒരാളുടെ പരിശോധനാ ഫലം നെഗറ്റിവായതായും മുഖ്യമന്ത്രി അറിയിച്ചു.
പ്രതികരിക്കാൻ ഇവിടെ എഴുതുക: