ന്യൂദല്ഹി: കൊറോണ ദുരന്തത്തില് മരണം വ്യാപിക്കുന്ന ഇറ്റലിയില് കഴിയുന്ന ഇന്ത്യക്കാര്ക്ക് ആശ്വാസവുമായി വീണ്ടും കേന്ദ്ര സര്ക്കാര്. ഇറ്റലിയില്നിന്നും 263 ഇന്ത്യക്കാരെക്കൂടി വിദേശകാര്യ മന്ത്രാലയം തിരിച്ചെത്തിച്ചു. ശനിയാഴ്ച വൈകിട്ടാണ് ഇവരെ തിരിച്ചെത്തിക്കുന്നതിനായി എയര് ഇന്ത്യയുടെ പ്രത്യേക വിമാനം റോമിലേക്ക് പുറപ്പെട്ടത്. ഇന്നലെ രാവിലെ പത്ത് മണിയോടെ ദല്ഹിയില് തിരിച്ചെത്തി. ഇവരെ ഇന്തോ ടിബറ്റന് ബോര്ഡര് പോലീസിന്റെ നിരീക്ഷണ ക്യാമ്പിലേക്ക് മാറ്റി. ഇവിടെ ആരോഗ്യ പരിശോധന നടത്തും.
ഈ മാസം 15ന് ഇറ്റലിയില്നിന്നും രക്ഷപ്പെടുത്തിയ 215 ഇന്ത്യക്കാര് ക്യാമ്പില് കഴിയുന്നുണ്ട്. ചൈനയിലെ വുഹാനില്നിന്നുള്ള രണ്ട് സംഘത്തെ ഇതേ ക്യാമ്പിലാണ് നേരത്തെ പാര്പ്പിച്ചിരുന്നത്. മരണസംഖ്യ വലിയ തോതില് ഉയരുന്നതിനാല് ഇറ്റലിയില്നിന്നും തങ്ങളുടെ പൗരന്മാരെ തിരിച്ചെത്തിക്കുന്നത് മറ്റ് രാജ്യങ്ങള് നിര്ത്തി വെച്ചിരിക്കുകയാണ്. എന്നാല് വൈറസ് ഭീഷണിയുള്ള രാജ്യങ്ങളില്നിന്നും ജനങ്ങളെ തിരിച്ചെത്തിക്കാന് തന്നെയാണ് ഇന്ത്യയുടെ തീരുമാനം.
പ്രതികരിക്കാൻ ഇവിടെ എഴുതുക: