പഴയങ്ങാടി: കൊറോണ വൈറസ് വ്യാപനത്തിനിടയിലും അക്രമം അഴിച്ചുവിട്ട് സിപിഎം. പഴയങ്ങാടി ചെങ്ങലില്‍ സിപിഎം-സിഐടിയു സംഘത്തിന്റെ അക്രമത്തില്‍ ബിജെപി പ്രവര്‍ത്തകന് പരിക്കേറ്റു. ചെങ്ങല്‍ കുണ്ടില്‍ തടം കോളനിയിലെ ബിജെപി പ്രവര്‍ത്തനായ ജിഷ്ണു ബി. പ്രസാദിന്(24) നേരെയാണ് അക്രമണം നടന്നത്. ഇന്നലെ അര്‍ധരാത്രിയോടെ വിട്ടിലേക്ക് പോകും വീടിന് സമീപമുള്ള റോഡില്‍ വെച്ചാണ് ഇരുമ്പ് കമ്പിയും മാരാകായുധങ്ങളുമായി ബൈക്കിലെത്തിയ നാലംഗ സിപിഎം സംഘം അക്രമിച്ചത്.
ഗുരുതരമായി പരിക്ക് പറ്റിയ ജിഷ്ണുവിനെ തളിപ്പറമ്പ് സ്വകാര്യ ആശുപത്രിയില്‍ പ്രവേശിപ്പിച്ചു. ചെങ്ങല്‍ കുണ്ടത്തിന്‍ കാവിന് സമീപമുള്ള സിഐടിയു പ്രവര്‍ത്തകനായ റൊട്ടി ബിജു എന്ന് അറിയ്യപ്പെടുന്ന ബിജു, സിപിഎം നേതാവും ഏഴോം പഞ്ചായത്ത് അംഗവുമായ എ.സുധാജ്, അമല്‍ ലാല്‍, ശ്യാംകുമാര്‍ എന്നിവര്‍ ചേര്‍ന്നാണ് അക്രമിച്ചത്. ബൈക്കില്‍ ഹെല്‍മറ്റ് ധരിച്ച് എത്തി പതിയിരുന്ന് അക്രമിക്കുകയായിരുന്നു എന്ന് പഴയങ്ങാടി പോലിസില്‍ നല്‍കിയ പരാതിയില്‍ പറഞ്ഞു.
കര്‍ണ്ണാടക മുഖ്യമന്ത്രി യദിയൂരപ്പ മടായിക്കാവില്‍ ക്ഷേത്ര സന്ദര്‍ശനം നടത്താന്‍ എത്തിയപ്പോള്‍ അദ്ദേഹത്തിന്റെ വാഹനത്തിന് നേരെ നടന്ന അക്രമണത്തിലെ മുഖ്യപ്രതിയാണ് സുധാജ് എന്ന ഏഴോം പഞ്ചായത്ത് അംഗം. കൂടാതെ നിരവധി കേസുകളിലും പ്രതിയാണ്. സമാധനം നിലനില്‍ക്കുന്ന മേഖലകളില്‍ അക്രമത്തിലൂടെ ജനങ്ങളുടെ സ്വെര്യ ജീവിതത്തിന് വിഘാതമായി നില്‍ക്കുന്ന ഇത്തരം ഗുണ്ടകള്‍ക്കെതിരെ ശക്തമായ നടപടി സ്വീകരിക്കണമെന്ന് ബിജെപി കല്യാശ്ശേരി മണ്ഡലം പ്രസിഡണ്ട് വി.മനോജ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: