ന്യൂദല്ഹി: മഹാരാഷ്ട്രയില് 11 പേര്ക്കും പശ്ചിമബംഗാളില് ഒരാള്ക്കും കൂടി കൊവിഡ് സ്ഥിരീകരിച്ചു. കേന്ദ്രം കണക്കുകള് പുറത്ത് വിട്ടതിന് പിന്നാലെയാണ് മഹാരാഷ്ട്രയില് 11 പേര്ക്ക് കൂടി കൊവിഡ് സ്ഥിരീകരിച്ചതെന്ന് പിടിഐ റിപ്പോര്ട്ട് ചെയ്യുന്നുണ്ട്. ഇതോട് കൂടി മഹാരാഷ്ട്രയില് മാത്രം കൊവിഡ് ബാധിച്ചവരുടെ എണ്ണം 63 ആകും.
സ്കോട്ട്ലാന്ഡില് നിന്ന് തിരിച്ചെത്തിയ യുവതിക്കാണ് പശ്ചിമ ബംഗാളില് കൊവിഡ് 19 സ്ഥിരീകരിച്ചിരിക്കുന്നത്. ഇതോടെ സംസ്ഥാനത്ത് രോഗം സ്ഥിരീകരിച്ചവരുടെ എണ്ണം മൂന്നായി. മദ്ധ്യപ്രദേശിലും ഹിമാചല് പ്രദേശിലും ഇന്നലെ ആദ്യമായി കൊവിഡ് 19 റിപ്പോര്ട്ട് ചെയ്യപ്പെട്ടിരുന്നു. ഇതോടെ രാജ്യത്ത് വൈറസ് ബാധിതരുടെ എണ്ണം 271 ആയി.
അതേസമയം രാജ്യത്ത് നാല് പേരാണ് ആകെ കൊവിഡ് ബാധിച്ച് മരിച്ചത്. ദല്ഹയിലും മഹാരാഷ്ട്ര, പഞ്ചാബ്, കര്ണ്ണാടക സംസ്ഥാനങ്ങളിലുമാണ് മരണം സ്ഥിരീകരിച്ചിരിക്കുന്നത്. രാജ്യത്ത് 22 പേര്ക്ക് രോഗം പൂര്ണ്ണമായും ഭേദമായ ശേഷം ആശുപത്രിയില് നിന്ന് ഡിസ്ചാര്ജ് ചെയ്തിട്ടുണ്ട്. ഒരു രോഗി രാജ്യത്ത് നിന്ന് പോയതായും ആരോഗ്യവകുപ്പിന്റെ കണക്കുകള് പറയുന്നു.
