വൈക്കം: നഗരത്തില് വിലക്കയറ്റം കയറാത്ത ചക്രപാണി ചേട്ടന്റെ ചായക്കട സാധാരണക്കാര്ക്ക് ആശ്വാസമാവുന്നു. ഹോട്ടല് ഭക്ഷണത്തിന്റെ വില അടിക്കടി കയറിയിട്ടും ഇവിടെ നല്കുന്ന ഭക്ഷണത്തിന് വിലക്കയറ്റമില്ല. തോട്ടുവക്കം പടിഞ്ഞാറെ പാലത്തിന് സമീപമുള്ള ഈ ചായക്കട രാവിലെ 5ന് തുറക്കും. വൈകിട്ട് 5.30ന് അടയ്ക്കും.
അപ്പം, പുട്ട്, ചെറുകടി എന്നിവയ്ക്ക് 3 രൂപ മാത്രമാണ് വില. ചായക്ക് 7 രൂപ. നഗരത്തില് തന്നെയുള്ള ഹോട്ടുലുകളില് ഇവയ്ക്ക് 10 രൂപയാണ് വാങ്ങുന്നത്. അച്ഛന് നടത്തിയിരുന്ന ചായക്കട 1960-ല് ആണ് ചക്രപാണി ഏറ്റെടുക്കുന്നത്. ഭക്ഷണമെല്ലാം വീട്ടില് നിന്നാണ് ഉണ്ടാക്കി കൊണ്ടുവരുന്നത്. ഭാര്യയും, മരുമക്കളും സഹായിക്കും. ചായ മാത്രമാണ് കടയില് ഉണ്ടാക്കുന്നത്.
എതാനും വര്ഷം മുമ്പ് വരെ ക്ഷേത്രങ്ങളില് രാമായണ പാരായണത്തിനു പോകാറുണ്ടായിരുന്നു. ഒഴിവ് നേരങ്ങളില് ആദ്ധ്യാത്മിക പുസ്തകങ്ങളാണ് ചക്രപാണിയുടെ കൂട്ട്.
