വാഷിംഗ്ടണ്‍: കൊറോണ വൈറസ് രോഗം മൂലം രാഷ്‌ട്രം ഇന്ന് അഭിമുഖീകരിക്കുന്ന ഗൗരവമായ സ്ഥിതിവിശേഷത്തെ നേരിടുന്നതിന് ഏറ്റവും ഉചിതമായ മാർഗം ദൈവത്തിങ്കലേക്കു തിരിയുകയാണെന്ന് ട്വിറ്ററിൽ പ്രസിഡന്‍റ് ഡോണൾഡ് ട്രംപ് കുറിച്ചു.
ചരിത്രം പരിശോധിക്കുമ്പോൾ ഇതിനു മുമ്പും ഇത്തരം ഗുരുതരമായ സാഹചര്യങ്ങൾ അഭിമുഖീകരിക്കേണ്ടിവന്നപ്പോഴെല്ലാം ദൈവത്തിങ്കലേക്ക് കൂടുതൽ അടുത്തുവെന്നും ട്രംപ് കുറിച്ചു. നിങ്ങളുടെ വിശ്വാസം എന്തുമായിക്കൊള്ളട്ടെ, രാജ്യത്തിന്റെ നിലനിൽപ്പിനും രോഗനിർമാർജനത്തിനും പ്രാർത്ഥന അത്യന്താപേക്ഷിതമാണ്. ഇത്തരമൊരു പ്രസ്താവന പുറത്തിറക്കുന്നതിൽ ഞാൻ അഭിമാനിക്കുന്നു – ട്രംപ് കൂട്ടിച്ചേർത്തു.
49 സംസ്ഥാനങ്ങളിലായി ഇതുവരെ ആയിരത്തിലധിക കൊറോണ വൈറസ് പോസിറ്റീവ് കേസുകൾ കണ്ടെത്തിയിട്ടുണ്ടെന്നും അമേരിക്കയിലെ 140 മില്യൻ മുതൽ 214 മില്യൺ വരെയുള്ള ജനങ്ങൾ ഇതിന്റെ അനന്തരഫലങ്ങൾ അനുഭവിച്ചുകൊണ്ടിരിക്കുകയാണെന്നും യു.എസ് സെനറ്റർ ഫോർഡിസീസ് കൺ‌ട്രോൾ ആന്റ് പ്രിവൻഷൻ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: