ന്യൂദല്ഹി: കോണ്ഗ്രസില് നിന്ന് രാജിവച്ച ജോതിരാദിത്യ സിന്ധ്യയെ പിന്തുണച്ച് മകന് മഹാനാര്യമാന് സിന്ധ്യ. പാരമ്പര്യ പാര്ട്ടിയായ കോണ്ഗ്രസില് നിന്ന് രാജിവയ്ക്കാന് അച്ഛന് എടുത്ത തീരുമാനം ധീരമാണ്. സ്വന്തമായി നിലപാടെടുത്ത അച്ഛനെ ഓര്ത്ത് അഭിമാനം കൊല്ളുന്നെന്നും മഹാനാര്യമാന് ട്വിറ്ററിലൂടെ കുറിച്ചു.
ഞങ്ങളുടെ കുടുംബത്തിന് അധികാര ദാഹമില്ലെന്ന് ചരിത്രം പരിശോധിച്ചാല് വ്യക്തമാകും. മധ്യപ്രദേശിലും ഈ രാജ്യത്തിലുമാണ് നമ്മുടെ ഓരോരുത്തരുടേയും ഭാവിയെന്ന ഉത്തമ ബോധ്യത്തോടെ വികസനം നടപ്പിലാക്കാന് ശ്രമിക്കുമെന്നും മഹാനാര്യമാന് വ്യക്തമാക്കി.
അതേസമയം, സിന്ധ്യയുടെ രാജി കോണ്ഗ്രസിന് കനത്ത തിരിച്ചടിയാണെന്ന് ഹരിയാന എംഎല്എ കുല്ദീപ് ബിഷ്നോയ് പറഞ്ഞു. എന്തുവില കൊടുത്തും അദ്ദേഹത്തെ പാര്ട്ടിയില് നിലനിര്ത്തുകയായിരുന്നു വേണ്ടത്. സിന്ധ്യയെപ്പോലെ തന്നെ ആത്മാര്ത്ഥമായി പ്രവര്ത്തിക്കുന്ന നിരവധി നേതാക്കള് പാര്ട്ടിയില് അസ്വസ്ഥരായി തുടരുന്നുണ്ടെന്നും കുല്ദീപ് വ്യക്തമാക്കി.
