കോഴിക്കോട്: കോഴിക്കോട് നഗരത്തില്‍ പൊതു സ്ഥലത്ത് തുപ്പുന്നവര്‍ക്കെതിരെ ഒരു വര്‍ഷം വരെ തടവു ലഭിക്കാവുന്ന വകുപ്പു ചുമത്തി കേസെടുക്കാന്‍ സിറ്റി പൊലീസ് കമ്മിഷണര്‍ ഉത്തരവിട്ടു. കേരള പൊലീസ് ആക്‌ട് വകുപ്പ് 120 (ഇ) പ്രകാരമുള്ള നടപടി സ്വീകരിക്കുന്നത്.
തടവു ശിക്ഷ അല്ലെങ്കില്‍ 5000 രൂപ പിഴ അടയ്‌ക്കണമെന്നാണ് സിറ്റി പൊലീസ് കമ്മിഷണറുടെ ഉത്തരവില്‍ പറയുന്നത്. കൊറോണയും പക്ഷിപ്പനിയും പോലുള്ള രോഗങ്ങള്‍ പടര്‍ന്നു പിടിക്കുന്ന സാഹചര്യത്തിലാണ് ഇത്തരത്തില്‍ ഉത്തരിവിട്ടിരിക്കുന്നത്. ഇന്ന് മുതല്‍ ഉത്തരവ് പ്രാബല്യത്തില്‍ വരുമെന്നും നഗരവും പരിസരവും ശുചിത്വത്തോടു കൂടി കാത്തു സൂക്ഷിക്കേണ്ടത് പൊതുജനങ്ങളുടെ കടമയാണെന്നും കമ്മിഷണര്‍ എ.വി. ജോര്‍ജ് വ്യക്തമാക്കി. എ.വി ജോർജിന്റെ ഒരു അനുഭവമാണ് ഇത്തരമൊരു തീരുമാനത്തിലേക്ക് അദ്ദേഹത്തെ നയിച്ചത്.
പരസ്യമായി തുപ്പുന്നത് ശ്രദ്ധയിൽപ്പെട്ടാൽ എല്ലാ പോലീസ് സ്റ്റേഷനുകളിലേക്കും നിർദേശം നൽകി. നഗരത്തിന്റെ പ്രമുഖമായൊരു ആശുപത്രിയിലേക്ക് കടക്കുന്നിടത്തു തന്നെ തുപ്പുന്നത് കണ്ടപ്പോഴാണ് ഇത്തരം ആളുകളെ വെറുതേ വിട്ടാൽ പോരെന്നു തോന്നിയത്. വാഹങ്ങളിൽ പോകുമ്പോഴും പൊതുസ്ഥലങ്ങളിലുമൊക്കെ ഒരു ശ്രദ്ധയുമില്ലാതെ ആളുകൾ തുപ്പുന്നത് ഇനിയും കണ്ടുനിൽക്കേണ്ട കാര്യമില്ലെന്ന് തീരുമാനിക്കുകയായിരുന്നു.
പ്രതികരിക്കാൻ ഇവിടെ എഴുതുക: