തിരുവനന്തപുരം: സാങ്കേതിക സര്വ്വകലാശാലയില് പരീക്ഷയില് തോറ്റ വിദ്യാര്ത്ഥിയെ പുനര്മൂല്യനിര്ണ്ണയം നടത്തി കൂടുതല് മാര്ക്ക് നല്കി വിജയിപ്പിക്കാന് അദാലത്തിലൂടെ തീരുമാനിച്ച മന്ത്രി കെ.ടി.ജലീലിന്റെ നടപടി ചട്ടവിരുദ്ധമാണെന്ന ഗവര്ണറുടെ കണ്ടെത്തല് ഗൗരവമുള്ളതാണെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. മന്ത്രിയുടെ ഇടപെടല് ക്രമവിരുദ്ധമാണെന്ന് ഗവര്ണര് കണ്ടെത്തിയതിലൂടെ ജലീല് ആ സ്ഥാനത്ത് തുടരാന് അര്ഹനല്ലെന്നാണ് തെളിഞ്ഞിരിക്കുന്നത്. അതിനാല് ജലീല് മന്ത്രിസ്ഥാനം ഉടന് രാജിവയ്ക്കണമെന്ന് സുരേന്ദ്രന് ആവശ്യപ്പെട്ടു. സമാനമായ സംഭവം തന്നെയാണ് എംജി സര്വ്വകലാശാലയിലും മന്ത്രിയുടെ നേതൃത്വത്തില് നടന്നത്. എംജി സര്വ്വകലാശാലയില് അദാലത്ത് നടത്തി മാര്ക്ക് ദാനം നല്കിയത് മന്ത്രിയുടെ സെക്രട്ടറിയുടെ നേതൃത്വത്തിലാണ്. മന്ത്രിയുടെ സെക്രട്ടറി ഇടപെട്ട് സിന്ഡിക്കേറ്റിനെ മറികടന്നാണ് മാര്ക്ക് ദാനം നല്കി അയല്വാസിയായ വിദ്യാര്ത്ഥിയെ വിജയിപ്പിക്കാന് തീരുമാനിച്ചത്. അയല്വാസിയായ വിദ്യാര്ത്ഥിക്കുവേണ്ടി 118 വിദ്യാര്ത്ഥികള്ക്ക് മാര്ക്ക് ദാനം നല്കി വിജയിപ്പിക്കുകയായിരുന്നു. ഈ സംഭവത്തിലും മാര്ക്ക് നല്കി വിജയിപ്പിച്ച നടപടി ചട്ടവിരുദ്ധമാണെന്ന് ഗവര്ണര് കണ്ടെത്തിയിരുന്നു. ഫലപ്രഖ്യാപനത്തില് തോറ്റവരെ പിന്നീട് മാര്ക്ക് നല്കി വിജയിപ്പിക്കുന്ന നടപടി കേട്ടുകേള്വിപോലുമില്ലാത്തതാണ്. മന്ത്രിസ്ഥാനമുണ്ടെങ്കില് എന്തും ചെയ്യാമെന്ന ധാര്ഷ്ട്യമാണ് മന്ത്രി ജലീലിനുള്ളത്. എംജി സര്വ്വകലാശാലയില് തോല്ക്കുന്ന വിദ്യാര്ത്ഥികളെ മാര്ക്ക് ദാനം നല്കി വിജയിപ്പിക്കുന്ന നടപടി പതിവ് നടപടിയാക്കിയിരുന്നു. ബിഎസ്സി നേഴ്സിംങ് വിദ്യാര്ഥികള്ക്ക് അഞ്ച് മാര്ക്ക് അധികം നല്കാന് തീരുമാനിച്ചതും വിവാദമായിരുന്നു. അവസാന അവസരമായ മേഴ്സി ചാന്സ് പരീക്ഷയിലും തോറ്റവര്ക്കാണ് മാര്ക്ക് നല്കാന് സിന്ഡിക്കേറ്റ് ഉപസമിതി നിയമവിരുദ്ധമായി തീരുമാനിച്ചത്. ഇതും മന്ത്രിയുടെ തീരുമാനത്തിനനുസരിച്ചായിരുന്നു. മന്ത്രിയുടെ നടപടി സര്വ്വകലാശാലകളുടെ ഗുണനിലവാരത്തെയും വിശ്വാസ്യതയെയും ബാധിക്കുന്നതാണ്. ഒരു നിമിഷം പോലും മന്ത്രി ജലീല് ആ സ്ഥാനത്ത് തുടരാന് യോഗ്യനല്ലെന്നാണ് ഇപ്പോള് വ്യക്തമായിരിക്കുന്നതെന്നും സുരേന്ദ്രന് പറഞ്ഞു.
കെ.ടി.ജലീല് മന്ത്രി സ്ഥാനം രാജിവയ്ക്കണം: കെ.സുരേന്ദ്രന്
മന്ത്രിയുടെ ഇടപെടല് ക്രമവിരുദ്ധമാണെന്ന് ഗവര്ണര് കണ്ടെത്തിയതിലൂടെ ജലീല് ആ സ്ഥാനത്ത് തുടരാന് അര്ഹനല്ലെന്നാണ് തെളിഞ്ഞിരിക്കുന്നത്. അതിനാല് ജലീല് മന്ത്രിസ്ഥാനം ഉടന് രാജിവയ്ക്കണമെന്ന് സുരേന്ദ്രന് ആവശ്യപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.