ലഖ്‌നൗ : അയോധ്യയില്‍ ശ്രീരാമകൃഷ്ണക്ഷേത്രം ഉയരുന്നതിന്റെ പ്രവര്‍ത്തനങ്ങള്‍ ആരംഭിച്ചു. ആദ്യപടിയായി ശ്രീരാമ വിഗ്രഹം മാറ്റി സ്ഥാപിക്കാനുള്ള പ്രവര്‍ത്തനം ആരംഭിച്ചതായി ട്രസ്റ്റ് അംഗങ്ങള്‍ അറിയിച്ചു. വര്‍ഷങ്ങള്‍ പഴക്കമുള്ള രാംലാല വിഗ്രഹമാണ് മാറ്റി സ്ഥാപിക്കുന്നത്. 30 വര്‍ഷത്തോളായി ഇത് അവിടെ സ്ഥാപിച്ച് ആരാധന നടത്തി വരികയായിരുന്നു.
ശ്രീരാമജന്മഭൂമി തീര്‍ത്ഥ ക്ഷേത്ര ട്രസ്റ്റ് എന്നാണ് ട്രസ്റ്റിന് പേരിട്ടിരിക്കുന്നത്. ക്ഷേത്ര നിര്‍മാണ കാര്യങ്ങള്‍ ട്രസ്റ്റ് അംഗങ്ങള്‍ നേരിട്ടാണ് പ്രവര്‍ത്തനം നല്‍കുകയെന്ന് ചെയര്‍മാന്‍ നൃപേന്ദ്രമിശ്ര അറിയിച്ചു. മാര്‍ച്ച് മാസം 25-ാം തിയതിക്കുള്ളില്‍ ശ്രീരാമവിഗ്രഹം മാറ്റി പ്രതിഷ്ഠിക്കും. നിലവിലെ സ്ഥലത്തു നിന്നും 200 മീറ്ററോളം ദൂരെ മാറിയാണ് ഇത് സ്ഥാപിക്കുക. രണ്ടാഴ്ച നീണ്ടുനില്‍ക്കുന്ന ശ്രീരാമ മഹോത്സവത്തിന് മുന്നോടിയായിട്ടാണ് സൗകര്യപൂര്‍വ്വം മറ്റൊരു സ്ഥലത്തേക്ക് വിഗ്രഹം മാറ്റി സ്ഥാപിക്കുക. ഭക്തര്‍ക്ക് കൂടുതല്‍ നിയന്ത്രണങ്ങളില്ലാതെ വിഗ്രഹം ദര്‍ശിക്കാന്‍ സാധിക്കുന്ന വിധത്തിലാകും ഇത് സജ്ജീകരിക്കുക. നിലവില്‍ ബാരിക്കേഡുകള്‍ കടന്ന് കുറഞ്ഞത് 500 മീറ്ററോളം നടക്കുന്ന വനിധത്തിലാണ് ഈ അസൗകര്യവും കുറക്കാനാകുമെന്നും വിശ്വഹിന്ദുപരിഷത്തിനായി മുഖ്യവക്താവ് വിനോദ് ബന്‍സാല്‍ അറിയിച്ചു.
പുതിയ സ്ഥലത്തേക്ക് വിഗ്രഹം മാറ്റി സ്ഥാപിക്കുന്നതോടെ രാമഭക്തരും വിഗ്രഹവും തമ്മിലുള്ള നിലവിലെ 52 മീറ്റര്‍ ദൂരമെന്നത് ഇല്ലാതാകുമെന്നും ട്രസ്റ്റംഗങ്ങള്‍ അറിയിച്ചു. കൂടുതല്‍ പ്രകാശം കിട്ടുന്ന തരത്തില്‍ വൈദ്യുതി സംവിധാനങ്ങളും ഒരുക്കും. കുറഞ്ഞത് 2 മിനിറ്റെങ്കിലും ഒരു ഭക്തന് ശ്രീരാമവിഗ്രഹം കാണാന്‍ അവസരം നല്‍കും വിധം പുതിയ സംവിധാനം ഒരുക്കുമെന്നും വിനോദ് ബന്‍സാല്‍ പറഞ്ഞു.
പ്രതികരിക്കാൻ ഇവിടെ എഴുതുക: